CHINRAM KULH AH COVID-19 MITHI 70 LENG AN PHAN CANG

Chin ramkulh ah July 3 tiang ah COVID-19 zawtnak in a nunnak a liammi minung 74 a si cang, tiah thawng kan theih.

Chin ramkulh ah, Tedim, Tonzaang, Falam, Thantlang le Hakha ah May thlathawk in atu July 3 tiang, thla hnih hrawng chung ah COVID-19 zawtnak in mithi 74 tiang an hun um hi a si.

Atutan Chinram ah COVID-19 a hun karh tthan hi Tonzaang khua ah India lei in a rak tlungmi pawl sin in COVID-19 zawtnak an hmuh hnu ah a si.

Cu caan thawk cun Chin ramkulh chung abikin Tedim le Falam ah COVID-19 zawtnak fak ngaiin a karh.

Falam khuapi le khuate ah COVID-19 zawtnak in atu tiang a nunnak a liammi 35 an si cang i, Chin ramkulh chung ah COVID-19 zawtnak in a thimi an tam biknak a si, tiah RFA nih a langhter.

July 2 nikhat chung lawng ah Tedim ah COVID-19 zawtnak in minung 7 an nunnak a liam i, COVID-19 zawtnak in a thimi minung 19 an si cang.

 

Ramri Rihkhawdar ah COVID-19 zawtnak a ngeimi minung 200 leng an hmuh cang hna i, minung pakhat a nunnak a liam.

July 1 tiang Tonzaang peng ah COVID-19 zawtnak a ngeimi minung 589 an si i, cu chung ah cun minung 17 an nunnak a liam, tiah Chin ramkulh Social Affairs Minster hluan Pu Pau Lun Min Thang nih a chim.

Thantlang peng zong ah COVID-19 zawtnak a ngeimi minung 51 hmuh an si i, a nunnak a liammi pakhat a si. The Chin Journal.

 

 

Author: admin

Leave a Reply

Your email address will not be published. Required fields are marked *