Zanniat Peng Hruaitu Upa Hna Nih Kawl Ralkap Pawl An Zumh Hna Cun Lohtlau An Si Lai

Chinram kulh chung Zanniat ram a si mi Webula pengtlang chungah ralhrangbu hna nih hriamnam tihnung hmangin mipi an kahdoh hna caah mah inn lo zam tak in a vak vai mi tampi an um.asinain tuchun zanlei sang cun mipi hmunhimnak kawl in a zam mi vialte hna nih mah le inn lo tang teah an rak fuh panh khawh dih cang tiah theih a si.

Hi konghe pehtlai in Webula pengtlang (Zanniat ) hruaitu upa pawl hna le ralhrangbu hna cu kahdaihnak/remdaihnak an tuah tiah theih a si.ralhrangbu hna nih Webula pengtlang khua zei maw zat hna cu an khua cio ah an luh cilh hna i umhmun an khuar an duh paoh in Vak/Ar an thah, mipi an kah hna ruangah khua an chuah tak mi a si.

Webula pengtlang hruaitu Upa pakhat nih a chim nak ahc un biaknak lei hruaitu le i t’hithruainak lei hruaitu vialte hna he ralhrangbu hna cu remdaihnak tuahpi an si.a bik in Webula pengtlang chung hrimhrim ah cun hriamnam hmang in i kahdohnak chuahter lo dingin biachahnak an nei tiah a chim.


Ralhrangbu lei zong nih hriamnam Mipi lei duhnak cu kan zulh hrimhrim lai tiah an cohlan ve hna ruangah tuzanlei in Webula pengtlang ralzam pawl hna nih hnangam tein an mah le inn lo cio an rak fuh panh khawh t’han mi a si tiah zanniat news a chim.

Author: admin

Leave a Reply

Your email address will not be published. Required fields are marked *