NLD Cozah Lutlai U Zaw Htay Cu Min Aung Hlaing Keden Hnawhpiaktu Ah Ai Chuah Men Lai

NLD cozah chimhnak nawlngeitu le State Counsellor office director U Zaw Htay cu nai ah a rak luat cang tiah theih a si. U Zaw Htay hi DSA No.37 a dih mi a si i, 2010 USDP cozah lio ah President Office director le President Office chimhnak nawlngeitu a rak tuan cang mi zong a si.

NLD cozah chan zongah chimhnak nawlngeitu le State Counsellor office director rian tlaitu a si i, Kawlram remhdaih nak le Rakhine buainak kongah cozah aiawhtu pakhat a si. A tu ralhrangbu chimhnak nawlngei Major Gen. Zaw Min Htun he ralkap sianginn a kai ti mi a si i, February 1 ralhrangbu nih department lutlai pawl an tlaih lio a tel ve tiah theih a si.

A Ra Lai Mi Kum 2 Chungah Thimnak Ka tuah Lai. Min Aung Hlaing.Ralhrang an lubik Gen. Min Aung Hlaing nih a ra lai mi kum 2 chungah democracy phungning tein thimnak ka tuah lai i nawlngeihnak ka pek than lai tiah Russian Media pakhat Russian 24 he biaruahnak ah achim“Emergency caan a dih i, tuah kan timh mi pawl kan lim tikah democracy phung ning tein thimnak kan tuah lai ka rak ti cang bantukin ka tuah hrimhrim lai.

Amah belte cu kan ramchung ah daihnak a um ta hmasa a herh” tiah a ti. Atu kan ram dirhmun zoh ah za ah za daihnak a um rih lo caah thimnak tuah ding cu a tuan tuk rih. Nain tuhnu kum 1-2 ahcun a ngah men ko lai tiin Min Aung Hlaing nih a chim. 2008 phunghrampi part 11, pohmah 45 emergency thanhnak kongah NDSC nih Pyidawngsuh hluttaw caan dih hnu ah Army Chief nih a timhmi a dih rih lo ahcun voi 1 ah thla 6, voi 2 tiang chap khawh a si.

Credit: The Chin Post

Author: admin

Leave a Reply

Your email address will not be published. Required fields are marked *