Chin Ram Kulh Khualipi Falam,Hakha,Mindat Peng Pawlah Kawl Ralhrang An I Chawklet Lengmang Le Mipi Lungrethei In An Um

Falam peng ah Kawl ralhrang an i chawklet lengmang le mipi lungrethei in an um. Kawl ralhrang pawl cu kan vawlei le kan ram cia ah an duhpoh um cu a si kho lo tiah CNDF Pasaltha pawl nih an phomh hna i, Ralhrang 10 an nawn hna i, hliam a tuarmi an tam taktak tiah theih a si. Cun CNDF pasaltha cu minung 4 nih nunnak an pek ve i, hliamtuar pathum an si ve.

Hakha peng Bungzung khua ah kawl ralhrang pawl um hmun an khuar. Kan ram kan vawlei cia ah an duh poh um cu tiah, CDF Pasaltha nih an phomh ve hna i, Ralhrang cu 20 an nawn ve hna. Cu lawng si loin ralhrang cu kan ram ah luh ngamti loin tuah dingin a lamkip in phih dih an timh cang hna.

Mindat pasal tha hna cu Kawl ralhrang nih an tihtuk cang hna ti asi. Cucu a dikmi a si fawn. Ralhrang cu Lam le sul in an kal ngam ti lo. Khuapi chung lawngah an hrang ngam cang. Khuami belte a tuarmi an tam tuk tikah CDF pasaltha hna nih dai tein an um piak rihmi hna khi an si. Caan rem ahcun kawl ralhrang pawl hi an phomh colh te hna lai.credit;Saisih Chuak

Atu ning cun Kawl ralhrang Chin Pasaltha pawl hi, thinlung hrimhrim in an tihtuk hna ti hi hmuh khawh bak a si cang. Thinlung in an kan tih tikah cun kan tei hrimhirm hna lai ti hi fiang tein hmuh khawh a si. Atu hi ralhrang pawl cu, lam le sul in an kal ngam ti lo. Motor zong an i cit ngam ti lo. Khuapi chung i, a sual deuhmi ralkap zong khi, duhsah tein kan thiar te hna lai i, Chin ram in Kawl Ralhrang hi kan thawl dih hrimhirm hna lai.

Author: admin

Leave a Reply

Your email address will not be published. Required fields are marked *