COVID HRILENG THAWH 3-NA TAHAN BIALAH A THLEN

Daw Aung San Suu Kyi-in tan in atangin hrileng laka mipuite fimkhur turin duhsakna a hlan, Kalaymyo bial-ah tunlaiin Ni 1 -ah chawhrualin Covid vangin mi 10 thi ziah ang  ang a ni, Irrawaddy News atanga thu kan dawn dan in Zofate awm tamna Sagaing Region,Kalaymyo (Tahan) bialah Covid hrileng a hluar em em a,ni khatah (adverage) chawhrualin mi 10 vel boral ziah ang a ni tih tlawmngai pawl hruaituten an sawi  a ti.

June thla chawlhkar 3-na atangin covid vanga thi zat chu a sang chho zel a ,a chang chuan ni khatah 30 vel an nih chang a awm ta hial a ni, Covid hrileng hi mipui zingah a taidarh tawh a, tunah chuan zep rual chi a ni ta lova,Ni khata boral 36 zingah khan  Covid 19 positive tih chiang taka hriat chu 26 a ni a, a dangte erawh chu natna dang vanga boral nia hriat nimahse Covid hrileng kaihhnawih rinhlelh awm tho a ni a, test an neih loh vang maiin  covid hrileng vanga thi niin an chhiar lo mai zawk a ni.

 

Kawlkulh khuaa CCC Centre leh Kalemyo  Civil Hospitala Covid vei damlote bakah vengchhunga mahni inluma inenkawl Covid Positive vei an awm nual mai, Covid vei damlo an pun chhoh zel avangin Oxigen bur indaih loh leh khaihlak chang a awm zeuh zeuh tan ta a ni.

CCC lama inenkawl lem lova mahni remchan anga private a in test a,positive nih inhria te chuan damdawiin lama in enkawl a remchan tawh loh avangin doctorte chu phone hmangin an rawn mai tawh thin a,tlawmngai pawl ten theihtawpin Oxigen bur neih theihna turin an pui thin.

 

Kalaymyo(Tahan bial) tana mamawh Covid hrileng vanga enkawlngai damlote tan Oxigen burruakte chu khawpui zawk Mandalay leh Monywa lamah refill turin thawn thlak reng a ni a,Tin tualchhung mi tlawmngaite sum thawhkhawma lei Oxigen siamna khawl chu Kalaymyo Civil Hospitalah  nimin khan a lo thleng tawh a,tichung pawhin indaih loh a la nasa hle mai.

Kawlkulh khuaa CCC centre ah chuan Health Department  lamin  Nurse 2  an rawn dah a,hmanrua beitham tak nen chuan dam lo 200 chuang chu tlawmngai pawlte puihna in theih ang tawkin damlo te an lo enkawl a ni, Kalaymyo Hospitalah pawh doctor 1 leh Nurse 4 chauhin damlo enkawl hna chu hneh lo takin an thawk mek a ni.

Sipai ten thuneihna an pawnglak ni Febuary ni 1 atangin  Health & Medical staff te chuan sipai sorkar an thawhpui duh loh vangin CDM Civil Disobedience Movement  an zawm hlawm a,thenkhat chu man tawkin jail an tang mek a ni, Kalay Townshipah hian Covid vanga damlo boral ta mi 300 vel an awm tawh a,Myanmar ram chhungah hian Covid hrikai hluarna ber indawt dan chu Kalaymyo,Tamu, Hlekhu,Tidim leh Falam Township te an ni tiin Health Department thuchhuah chuan a tarlang bawk..

May ni 27 atangin Covid wave a thawh 3-na Myanmar ramah a in tan a,June 27 ni ringawt pawh khan  Covid positive rampumah mi 804 nia hriat a ni, Tunah chuan Lockdown puan chiah awm lo mahse Township thenkhatah Stay Home puan a ni, Covid hri thar kaichhawn awlsam tak  Alpha, Delta leh Kappa pawh chu Myanmar ramah hmuh chhuah ani tawh bawk.

Kan hriat theih chinah chuan March ni 23 atangin June 27 thleng hian covid test nei tawh 27,11,584 zingah mi153,160 an awm tawh a ni.Damlo in enkawl dam leh 135,413 an awm laiin vanduai ta mi 3297 chu nunna an chan phah a ni.

Author: admin

Leave a Reply

Your email address will not be published. Required fields are marked *