Kawlram le India Ram Ri Kawngah Thawngpang Tha Taktak

India Ralbawi Eastern Command Uk Tu Le Mizoram Chief Minister Nih Ramri Kong An Ceih.India Ralkap General Officer in Commanding-in-Chief, Eastern Command Lt.Gen Manoj Pande cu Mizoram a rak tlawn hnuah nihin June 28 ah Mizoram Chief Minister Zoramthanga le Governor hna cu ramri kong a ceih pi hna tiah theih asi.Mizoram Chief Minister le India Ralbawi pawl i komhnak ah Mizoram cu ramdang he ramri ah a pehtlaih mi asi caah ramri ven a biapit ning ceih asi.


Chief Minister nih Assam Riffle cu ramri vennak le environment zohkhenhnak ah a thangthat bantukin Lt.Gen Manoj Pande nih Chief Minister Zoramthanga cu Covid-19 dohnak kongah a riantuan ning a thanghthat ve.
General Officer in Commanding-in-Chief, Eastern Command Lt.Gen Manoj Pande hi Mizoram ah a voi 1 tlawnnak asi.Lt.Gen JP Mathew, Maj.Gen Ranjit Singh le Brig. Digvijay Singh hna nih an zulh hna.

 

relchap: June 27 zingah Mandalay ramthen Minchan, Tanphyuwa khuabawi (Dalaan) Myint Htay cu Minchan “ကျော်” datsi dawr pawngah an kah-thah tiah Seven People Defence Force nih an thanh.

Mandalay Ah Mirawitu(Dalaan) Nih Thawng A Pek Hna Ruangah Mipi Panga Tlaih An Si.Mandalay ah zahan June 26 zaanah mipi panga tlaih an i nak ahhin mirawitu(Dalaan) nih thawng apek hna ruangah asi tiah khuami pakhat nih a chim.

“Nizaan ah tlaih asi mi hna hi tuan deuh lio zongah ralhrang nih an rak kawl bal cang hna,an hmu hna lo,atu hi cu rawitu(Dalaan) nih thawng a pek hna caah an tlaih khawh hna,an umnak inn bak ah an luhhnawh hna tia” khuami pakhat nih a chim.

Zahan zaan suimilam 8:30PM hrawngah Mandalay,Mahaaunhmey peng, 71 lam,39×40 lam kar ah a ummi inn pakhat ralhrang nih zaan ah an luhhnawh i pa pali le nu pakhat an tlaih hna.Than Lwin Khet News

Credit: The Chin Post

Author: admin

Leave a Reply

Your email address will not be published. Required fields are marked *