Tuchun Telh In Kalaymyo Mipi Nithum Chung A Thi Mi Hna Dir Hmun

Tuchun Kalaymyo Tahan Thawngpang pawl hna cu a tanglei bantuk hin an si, Nihin June 27 Tahan Khrihfa Thlanhmun ah minung ruak pasarih vui asi i, cu chungah cun Pastor pahnih an i tel t’han.Kalaymyo Dir hmun hi a tanglei ah thil sining a rak si cang mi kan vun peh hna.

Kalaymyo Covid Centre Inn Cung In Mizaw Pakhat Azuan Caah Anunnak Aliam.Kalaymyo Covid mizaw an chiah nak hna hmun Covid Centre inn dotthum cung in mizaw pa pakhat ,a lung a hman deuh lo caah tuzing suimilam 11 luan deuh ah a zuang, a mah le mah a nunnak ai la tiah theih a si.Sii inn an kal pi hnu ah, cu sii inn ah a nunnak a liam.

 

Kalaymyo Khrihfa Thlanhmun Ah Nihin Lawng Ah Ruak 16 Vui An Si.Kalaymyo khrihfa thlanhmun ah nihin (June-26) zaan lei suimilam -5 tiang ah ruak 16 vui an si.Nizan (June-25) ah ruak 14 vuai an si, nunnak aliam mi hna chung in tamdeuh cu Covid ruang ah an nunnak a liam.Kalaymyo ah cun biaknak cio in thlanhmun an ngei cio hna.Credit:The Chin Post

Kalaymyo Ah Thlan Man A Kai Tu lio Kalaymyo cu Covid zawtnak faktuk in an tuar ruangah Kalaymyo Khristian thlanhmun (THLAN အုပ္ဂ်ူ) tuahtu nih harsatnak an tonmi cu thlanhmun OB nih zohfelnak a neih hnu ah thlan man 100,000 kats asi tawnmi cu nihin 25.6.2021 in 10,000 kyats kaiter asi i 110,000 asi cang tiah theihter asi.Fianghlang ten theih aduh mi hna nih a tanglei pehtlaihnak ahhin hlathlai khawh asi.Pu SanThawm Thang Ngunkeng(Treasurer)Kalay Khristian Thlanmual Committee.Cont: 09400475999.

 

Tuchun June 25.2021, 6:00 PM tiangah Kalaymyo dirhmun Khrihfa thlaanhmun ah ruak vui mi minung 14 an um i,cu chungah can tling pathin rian t’uantu Pastor pahnih an i tel pin.mah hna pahnih ah pakhat deuh cu Catholic Father a si tiah theih a si.hi thawngpang kan update hnu ah mithi thawngpang dangdang an um tiah theih rih a si.

 

Zahan june 24.6.2021 ni cu Kalaymyo mipi kan t’ah ni ah a cang!nidang chim lo tuchun nikhat chung lawngah Kalaymyo khuapi chung Khrihfa mi hna kan i phum tam cem ni a si.tuchun ah Khrihfa bak lawng kan phum mi hna hi minung 23 an si i,cu chungah can tling tein Pathian rian a t’uantu Pastor’s minung pathum 3 an i tel tiah kan theih.mithi mi hna hi ralhrang kut le Covid in a thi mi an si hna.

 

Nizan Kalaymyo mithi hna hi biaknak dangdang le miphun dang hna a thi mi kan telh hna lo i,kan mah Laimi Khrihfa mi lawng Kalaymyo Christian Thlanmual ah kan phum mi hna kan chim mi an si tiah Kalaymyo Christian Thlanmual lei tawlrel tu Committee Upa pakhat Pu San Thawm Thang nih a chim.

 

 

Nizan ah kan phum mi hna mithi ruak hna lak ah hin june 23 ah a thi mi hna zong an itel na in a tam deuh cu tuchun ah a thi mi hna an si.cu hlan ah a tu bantuk in mithi an tam bal lo.tuchun kan ton mithil cu lungfaktuk a si e tiah a chim.

Kalaymyo thlamual ah hin Christian, Catholic, Muslim, Budhish, Hindu le Chinese thlanmual tiin a dang tete in hmunhma tuah le t’hen cheu an si.cu chungah kan mah Khrihfa mi hna nih tuchun kan ton mi banntuk harsat nak hi a tong mi an um lo.Ramsung ramleng um Zumtu vialte hna nan thlacam bawmh kan herh ko tiah a chim.

Author: admin

Leave a Reply

Your email address will not be published. Required fields are marked *