Salai Van Tha Cung Lian Ruhkhua Vuinak An Tuah

Ralhrang Nih An Tlaih I Covid In A Nunnak A Liam An Timi Salai Van Tha Cung Lian Ruhkhua Vuinak An TuahRal hrang nih an tlaih hnu nikhat ah Covid in a nunnak a liam an timi Salai Van Tha Cung Lian ruhkhua cu June 27 ah chungkhar hna nih Duwainchuang khrihfa thlan an vuinak an tuah.

Thil umtu ning cu,Kalaymyo Tat-ti-te veng ummi U Zaw Myint le afa Ko Zaw Thet@Salai Van Tha Cung Lian(kum 25) cu June 25 zanlei suimilam 3 hrawngah ralhrang nih an tlaih i an kalpi June 26 zanlei suimilam 2:30 ah a fapa cu Covid in a nunnak liam tiah chungkhar thawng an thanh hna. A ruak cu ralhrang nih mei in an khangh.

A ruhkhua hi zinglei suimilam 10 ah service an thawk i,suimilam 11 in.inn in a chuak i a ruhkhua cu Duwainchuang Buddhist thlan ah an khangh mi cu an va lak i,Khrihfa thlan ah an vui.The Chin Post


Nizan An Dir Hmun: SAC Ralhrang nih an Tlaihmi Salai Van Tha Cung a Nunnak a Liam.Kalaymyo, Tat Oo Thida sang ah June 25 zaanlei ah hringtu a pa he an tlaihmi Salai Van Tha Cung/Ko Zaw Htet (kum 25) cu COVID-19 in a nunnak a liam, tiah nihin ah chungkhar thawng an thanh hna.

Chungkhar nih Salai Van Tha Cung ruak cu Khrihfa phung tein vui ding in an hal hna nain SAC ralhrang nih a ruak zohnak nawl zong an pe hna lo.A ruak an khanghnak vutcaam thaizing ah rak hlam te u tiah SAC ralhrang nih chungkhar an chimh hna.The Chin Journal

Author: admin

Leave a Reply

Your email address will not be published. Required fields are marked *