MYANMAR AH NI KHAT THIL THU AH COVID-19 HRIK KAI THAR MI 630 HMU

Myanmar ram Sungah ni khat thil thu-ah covid-19 hrik kai positive mi 630 hmuh an si, tun dinhmunah hin hrik kai mi 149247 an awm zo thu Military, Ministry of Health and Sports cun a tar lang.

Hi an test-mi pawl hi Military council pawl ih thuneihnak duh lohih CDM-ih lut mi pawl leh Sizung in leh Laboratory hmunih um mi an tel lo ih, Ralkap  kut hnuaiih TatMaDaw sizung  in ih um mi pawl lawng an si thu theih a si, thu felfai theih a si hrih lo

Health Ministry lamin thusuah a tuah danin, tihni sun nazi 24 sung ah khan Laboratory-ih mi 5090 an test-nakah mi 630 positive hmuh a si ih, hrik kai 12.38% an sih thu leh a ni telih hri kai an tam sin sin thu theih a si, Hi mi lakah mithi mi 2 um lehih a thi mi zaten mi 3267 an kim zo  thu a tar lang.

Myanmar ram sungah hin March ni 23, 2020 ih sin covid hrik kai hmuh tan a si ih, Jannuary ni 27-ah khan Covid hrik kil awknak Vaccine dawt tan a si ih, Asian-ah a hmasa pawl a si nghe nghe.

Hapta khat sung ah hin ni tin Covid hrik kai an pung deuh deuh ih, covid hrik chak tak an hmuh thar thu khal June ni 15, 2021 ah khan puan a si zo ih, June ni 3, 2021 ah khan Defence Ministry Medical Research Center-in a hmuh dan ah cun Covid hrik danglam leh chak tak hi mi 11 hnenah an hmuh zo thu theih a sia ni. The Tahan Post

 

Author: admin

Leave a Reply

Your email address will not be published. Required fields are marked *