MANDALAY IH RALKAP LEH PDF AN KAHAWK LAI AH RALKAP IN MI 4 THAT

June ni 22-ih Mandalay khua sung ih a an kahawk lai ah Ta-aung tleirawl 3 leh Chinese 1 cuannak motor cu military council Ralkap in an kah ruangah, electric ban pahin an tlu ih, mi  mi 4 te cu ralkap pawlin an kai ih an motor cu an bomb ih a siat thluh a si.

Ralkap pawl cun an kai lawng si lo hi mi tleirawl palite chu an that thluh ih, lamzin no. 56 leh 110 karlakih Transformer taih ih thi vekin  lanterin, thusuahte an tuah a si.

Military council mi thah palite chu Naing Thun Kyi, Naing Hlai, Shit Shwe tih Ta-aung tleirawl 3 leh A-Ti hming pu Chinese tleirawl mipa te niin, Shan state hmar lam Namkham leh Tibaw khaw mite an ni.

An 4 in Mandalay Sin-kai ih um ar huan zoh dingin June ni 12 ah khan Namkham ih sin an run suak ih, Mandalay-ih an rualpi pawl thawn hotel ah an riak ih ar huan zoh dingin an fel lai ah, kahthah an tawng ta a si, tiin a thi mi Naing Hlai-ih nupui Ai-Luan cun, “mini zing lam nazi 8 hrawngah khan in rawn phone ih, Mandalay-ah lamzawh duhphawrhnak kan nei ih, leng suak vak hlah tiin ka sim a ti.

Zing nazi 7:30 hrawng ih sin an kap aw thawk ih, kan u pakhat khalin ar huanih thlun ve dingin in nghak uh a ti ih, Anni pawl an suak cu police civil dress-ih um meithal keng an hmu ih, anni cun an run kap cih a si, kir sal tumin an turn lai ah cun ralkap dang an ra thlen belh ih an run kap ih, electric ban an pah a si. A pah lai ah cun car hma lam chiah a hmelhem ih, si nan an run kai nghal ih, car chu an bomb sechih a si, anni khal thi vekin thu an theh darh a si. A ngai ngai ah cun cuvek a si lo, ka pasal an kaih hnu ih sin kan beaw thei nawn lo ih, kan thlun tum mi khalin a be pawp thei nawn lo a si tiin a sim a si.

Tun tiangin an pali ruang cu hmuh a si hrih lo ih, an sungte pawlin an dil rero lai  a si, mini sun ah khan ka nu an rawn phone ih, ruang thlalak pawl khal an run kuat, Internet line a that loh ruangah, car thlalak lawng kan zoh thei ih. Car chu an hmang lai mi a si ih,  Cumi ih sin an thi tih kan thei ve chiah,” tiin Ai-Luan- cun a sim bet cih a si.

Ai-Luan- leh a pasal thi mi hi June ni 6 ih neiaw an siih. A thi mi lak ih Chit Shwe-khal model rak si zo mi a si, Ai-Luan- un “PDF vekin an puh ih, zianghman zawmawknak an nei lo. Anni chu ar huanih um theu an si ih. Mandalay-ah an rualpi pawl an rak thlen ruangih va feh an si ih, car sungah khal ziang hman an keng lo,” tiin a sim. Military council lam cunn an mi thah 4 te chu firfiak misual pawl lak ih minung an si tiin an puang zar a si.

 

Author: admin

Leave a Reply

Your email address will not be published. Required fields are marked *