BBC-in Dr. SaSa Interview-nak

Tu naite ih Aung San Suu Kyi Case, ASEAN leh International Community cungcangih BBC in, Dr. SaSa thusuhnak, Dr. SaSa ih simnak ah cun Kan unau ASEAN leh ASEAN “Consensus Point 5” sungah hin rinnak kan nei mal tuk zo ih,. Myanmar ram hma lam can ih thu thawn pehparawin  Myanmar mipi leh democracy dan vekih hriltlin Myanmar mipi aiawh National Unity Government (NUG) a tel ring ring ding a si a ti.

Kum 2020, November ni 8 ah khan zalennak leh diknak canvo  hmangin democracy hrilawknak a si ruangah, hrilawknak neih sal a tul nawn lo a si. 2020 November hrilawknak result zahin Myanmar mipi pawl duh dan cu zawm/thlun ding an si ih, a thup ten cangvai pawl dictator cun democracy hrilawknak result cu, zalennak leh vote pawl cu an thuneihnak pawng laknak, tharum hmannak leh an ralthuam puak thei meithal hmangin mi ruk thluh an tum a si.

State counselor Daw Aung San Suu Kyi, President U Win Myint te parih thubuai an tuahsak mi pawl cu ziang hman finfiahnak um lo leh umzia nei lo ih, bumawknak ih thubuai tuahsaknak men a si ih, hi case pawl hi “Dan leh thupek kenkawhnak” thawn ziang hman zawmawknak a nei lo. Cu hnak cun, Myanmar mipi million 54 par ih sual takin tharum hmang ralkap thuneitu pawl ih uknak mi pal beh tumnak can a reinak men men a s.

Ralkap thuneitu pawl leh an ralkap misual pawl cun, Myanmar mipi pawl cu tihnak huatnak harsatnak thihnak leh siatnak tiang an hmangin an tibuai a si, democacy leh zalennak cu siatsuah thluh an tum a si, leitlunih um international pawlkawm dang dang pawl cun thupten cangvai Ralkap thuneitu pawl cu Myanmar mipi pawl leh minung par ih an bawhsiatnak sual mi hmuah hmuah cu titawp dingin thuneihnak an nei a si tih an theih ring ring a tul tiah a sim

Author: admin

Leave a Reply

Your email address will not be published. Required fields are marked *