TUNLAI VAWKPUL HRI HLAUHAWM “AFRICAN SWINE FEVER

Mizo te sa duh ber pawl chu “vawksa” a ni a, mahse Zoram vawk industry chawk buai em em tu chu vawkpul hri, “African swine fever” a leng leh ni, Enge African swine fever chu, African swine fever (ASF) laka vawk enkawl dan leh in ven dan hi a link ah ka dah e lo chhiar chhuak la i lo tangkaipui ka baisei.

vawk pakhatin a kai tawh chuan 100% thihna a thlen thei a ni. Kum 1921 khan Africa ram Montgometry-ah he natna hi hmuh a lo ni tawh a, Burma ram Shan state-ah August, 2019 khan report dawn a ni ta a. Chuta tangin India ram hmarchhakah lo lutin Mizoram hial alo lut ta Vawkvulhtute fimkhur a tul zual a ni.

Enge African swine fever chu, African swine fever (ASF) hi vawkpulhri chikhat a ni a, a natna thlentu hi DNA virus, Asfarviridae family a ni. A virus hi a darh chak ber te zinga mi a ni. Khawvel hmun hrang hrang ah a tai darh thei.

A natna kaichhawn dan, ASF virus te hi an damrei phian mai a, vawk taksa, thisen, vawk ek, vawksa rep, frozen meat atangin leh vawk damlo atangin a damlaiah an kai thei bawk, vawk damlo chiu na hmanrua atangten, vawk chaw thianghlimlo atangin leh sanghal hrivei awm ta se, a sehtu saphihrik chikhat (Ornithodoros ticks) atangin an kai thei bawk. “A natna hi mihring tan erawh hlauhawma hriat a ni lova, vawk damlo sa erawh ei loh a him.

Natna lanchhuah dan, Vawkin he natna hi a kai chuan ni 5-15 hnuah a natna a lang chhuak thin. Natna hriat theih dan tlanglawn te chu, A rang ber chi, Khawsik sang tak, Chaw ei duh lo, Vun duk, a bikin an beng, dul leh ke hmawr vel duk/sen, No chhiat, Kawthalo, luak, thaw hah, Ni 6-13 chhungin an thi tlangpui, Vawk 100% in an thihpui thin, A benvawn natna, Khawsik, Khawsik leh sik lo inchhawk (intermittent fever) Vun leh beng duk, ke hmawr duk leh vun natna , Thawk lama harsatna, ruh chuktuah naa kal harsatna Thihpui an tlem deuh.

In vendan tur, A hri danna vaccine ala chhuak lova, vawk thi te uluk taka phum emaw hal kha a him ber. Vawk thi chu kawrah emaw paih mai mai lovin, khawdaiah thuk tak (feet 6 tala thuk) in chinai/phenyl nena phum thin tur. Phum thuk loh chuan ramsa dangin an hai chhuak awlsam thin.

State pawn atangin emaw thenawm khua atangin vawk/vawksa tawlh luh loh tur. Hemi kawngah hian khawtlang inthuruala tan ho a pawimawh hle. Mahni khua ah theuh“strict” taka hma kan lak a ngai. Khaw thenkhat chu an strict em em mai a, an entawntlak viau laiin an khawbula mite an lo inthlahdul hian awmze nei miah lovin a awm thin a, hri alo lenin kan tuar tlang leh vek thin! Kan zavaia kan tanrual a tul tihna a nih chu.

Vawk tawlh luta dan bawhchhiaa kan hriatte chu police emaw Vety. Department ah a rang lama report zel tur a ni. Vawk in leh a velte fai taka enkawl hnuah damdawi hmanga sil thin tur.

Vawk tam thama vulh tum zel tan chuan hmun fal deuha vawlh a hima, farm hungna (fencing) tha leh midang nena intlawhpawh tlem apiang a him zel ang. Social distancing hi virus laka inven nan chuan alo tha khawp zel mai.

INVENNA CHEMICALS/ DAMDAWI HMAN THEIH TE, Vawk in tih fai nan 1% Sodium emaw 1 % Calcium Hydroxide emaw 2% Caustic soda. Hei bakah an inchhung han fai em em mai se, natna hrileng an pumpelh hma bik, Hmarua farm chhunga hman ngai te, lak luh leh lak chhuah te a awm thei a, heng damdawi hian a tihfai theiha Eg: Sodium hypochlorite (0.03%), 1% Formaldehyde (Formalin) emaw Virkon S or B-904 (1:100) Farm chhunga luh dawnin kawr hak tur leh pheikhawk hak tur bik neih hi a tha. Credit

Vawk in luh dawnah damdawia ke chiahna (foot bath) te siam tur a ni a, tin midang vawk farm-te tlawh mai mai loh tur. Vawk hian a raldotu (immunity) tihchak an mamawh ve thin avangin, rulhut hlo, vitamins leh minerals te a khat tawka lo pek thin tur a ni. Vawk ngui emaw chau deuh an awmin ORS/Glucose te pek a tha. Khua alo lum deuhin vawk lian bik te chu tui vawtin han theh huh ve thin ila, an awmna hmun chu nuam an ti anga (stress free), stress an neih tlem chuan an taksa raldotu a chak nge nge thin, hemi kawngah hian an in nuam tha hek hawk, tui thinghlim leh chaw hrisel a pawimawh zual. Vawkvulhtuten mithiamte i rawn thin ang u.

Vawkdamlo an awmin dah hrana ran doctor te hnenah report vat thin tur, Saphihrik laka inven nan vawk in bul vel te cypermethrin emaw deltamethin (pawlh dal sa) hmangin kah thin tur. Vawk taksaah pawh heng damdawi te hi lo chulh tur a ni. Doctor te rawn thin ni se. Vawkvulh tute beidawng lo ila, vawkpul hri a leng a, vaccine te pawh an siam zel anga, hrileng an taksa in a huat loh hun (herd immunity) te a thlen hun ala awm thei a ni. Nakin lawkah chuan vawk/vawksa demand a sang zual zel dawn a ni tih hriaiin insangmarin theihtawp i chhuah ang u. Credit Agricultrue Network.

Author: admin

Leave a Reply

Your email address will not be published. Required fields are marked *