GEN. MIN AUNG HLAING TEN MOSCOW AN THLEN HLANAH JET FIGTER AN LEI DING  AN VA ZOH HMASA

Senior General ,Min Aung Hlaing leh a thuihruai pawl cu Myanmar Airways International , Airbus 919-112 (Flight No. MMA 001) hmangin Russia ram ah 9th Moscow International Security Conference hmang dingin 20.6.2021 ( Sunday) ah khan an feh ih. An feh tumnak Russia ram Moscow an thlen hlan ah Serbia Federal District bialih Khawpi tum bik 5-nak si mi ” Irkutsk” khua cu an rak pal hmasa a si.

Hi khua hi Rusia ram sungih khawpi tum 25-nak a si, Raldonak vanzam Su-30 type interceptor/ground-attack aircraft tuahnak hmunpi ah a feh.

Russia cozah cun raldonak vanzam tuahnak  company Irkut, Ilyushin, Mikoyan, Sukhoi, Tupolev leh Yakovlev pawl cu finkhawm in company thar United Aircraft Building Corporation tiin an din a si.

Sr.General Min Aung Hlaing cun Democracy khingbai tak leh Ralkap thuneihnak tawmaw  NLD cozah lai 2018 kum ah khan US$ million 204 man Sukhoi Su-30SM fighter jets 6 lai cu Russiaah a rak order fel fel zo ih, hi vek vanzam nei a cak viau si ding,  April 2019 kum ah khan Sr.Generala Min Aung Hlaing cun zoh zo a si.

Yangon khuaih ralkap thu thawn pehpar ih rak zing zawitu, Military analysts pawl ih sim dan ah cun, hi vek doawknak vanzam tha chi, hla takih kan ral pawl va do thei leh ramleng ih sin kan ral pawl a thup ten vanzam run lutding mi lak ih rak do thei khawp ih tha Myanmar Air Force in a neih tik ah cun a ram venghnen Asia simchhak ram van boruak kau takah hin a sunglawi hleice ding a si a ti.

kremlin spokesman Dmitry cun Russia Security council chief Nikolai Patrushev thawn Myanmar Ralkap bawi cu kawmawnak an nei a sim ih tuntum ah hin Russian President thawn an hmu aw remcang thei lo a ti.

Rampahnih te hi tu hlan ih sin laichin awknak tha neiin Myanmar Ralkap officer training mi thawng leng lo hnenah University scholarship an rak theu ih,  Myanmar Ralkap pawl hnenah ralthuam an rak zuar theu a si.

Thaisun ih neih ding mi  Navy lam ralthuam show lamah Myanmar Ralkap bawi pawl cu an feh leh sal ding a si.

Author: admin

Leave a Reply

Your email address will not be published. Required fields are marked *