MANDALAY KAHAWKNAKAH  PDF 2 LEH RALKAP  3 THI 

Mandalay kahawknakah PDF 2 Ralkap 3 thi, Hi mi kahawknakah hin Mandalay-PDF (People Defense Force) lamah 2 an thi ih, pakhat hriamhma a tuar ih mi 6 kaih an si thu  Mandalay PDF information in-charge Lieutenant Thun Tauh Naing cun hi ti hin a sim, Kan umnak hmun cu kan suahsan ih, kan pe ta a si, Mi 3 hriamhma tuar lakah  2 kan chan ih, paruk an kai a si, Anni lamah 3 an thi ih, An ruang pawl cu building sungah an um lai, Kan thilri pawl khal ziang hman kan la man lo, an kutah a um thluh a si, pukpiin in kak ih in sawng sang ih sin khal in kap a si tiin an sim.

Military council lamin thusuah an tuah mi ah cun PDF lam 8 an kah that thu leh mi 8 an kaih thu an sim thung ih, a sina, PDF lam cun thu dik a si loh thu leh mipi pawl thinphang lo dingin an chah ih, Ralkap lam ih  an kah that mi chu Lieutenant Colonel Aung Myo Kyaw leh rank dang nei mi a si thu a thang rero a si.

Tuisun ih kahawknak a suahnak san cu  dalan hektu pawl ruangih thleng mi a si tiah an sim, Lieutenant Thun Tauh Naing cun, “dalan hektu kan thei zo ih an hmin List khal kan nei thluh zo. Kan zingzawi rero lai ih, Address khal 54 street leh 111, 112 karlakah a si, Hi tawk hmun ah hin mipi ra feh hlah uh tiin cangan ruangah Ralkap pawlin an thei fiang nasa a si, Um Hmun khuarnak an tuah fel fang ih, an tuar ta a si, Asinan hi mi an tanta mi hmun hi, Mandalay-PDF pawl ih hmun pi bik a si lo, Cutih rualin Ralkap khawm dingah cun meithal pahnih chiah a um ih, puak thei dang cu a za ten deuh thawin kan thiar chhuak vetheh, meithal tum pi pawl cu hramlakah  kan ret thluh ih, hitawk ah cun kan kil himawknak ah pahnih lawng kan ret a si tiin an sim.

Tusun thil thleng miah,  Mandalay mipi pawl cu um mei mei thei an si nawn lo ih, mipi tanpinak ih Doawk hmaitin a tul thlang ih, Mandalay khaw sung hmun dang dangah PDF pawl chu an zarpharh awk zo thu  Lieutenant Thun Tauh Naing cun a sim a si. Credit: DVB

Author: admin

Leave a Reply

Your email address will not be published. Required fields are marked *