MYANMAR RALKAP BAWI PAWL, RUSSIA RAMAH AN FEH

Sr. Genaral Min Aung Hlaing leh ralkap bawi pawl Russia ah an feh, Russia’s Defense Minister cun leitlun ram dang 119 ih sin defense ministers pawl cu 9th Moscow Conference on International Security hman pi dingin  a sawm ih, Hi forum an neih ding mi can hi 22-24 June 2021 a si ding thu  Russian Defense Minister Sergey Shoigu cun a sim a si.

Hi conference ah hin an rel tlang ding mi thupi cu  ” Issues of strategic stability, global and regional security in Europe, Africa, the Asia-Pacific region, Latin America and the Middle East,” tih a si ding ih, Covid 19 natnak do dan ding chungchang khal thupi dang an nei ding a si.

Myanmar ramih Ralkap bawi, Sr. General Min Aung Hlaing khal sawm a si vekin mini, ni 20th June ah khan Napyidaw Airport ih sin Russia ram Moscow pan in a zam suak ve ih, A rualin a tawng letsaktute, Ralkap council ( SAC ) ih sin a thachhang dawltute, Ralkap bawi, officer dang pawl, Naypyidaw Capital Mayor Dr.Maung Maunga te, Dy Minister Than Aung Kyaw te leh Myanmar ram ih Russia Counsulate tuan rero mi pawl in a mah tawiawm in an thlun ve a si.

Hi Conference a hman theh hnuah excursion vek in Mosco khawpi ih University ropi tak tak leh Factory pawl khal a fang ding.

Hivekih Russia in Myanmar aiawh ih Ralkap bawi misual ualau takih a sawmnak hi Ralkap firfiak pawl thuneihnak  pawnglak ih din mi, SAC cozah cu  pehhel takin a pawm tih a lan ternak a si, Sr. General Min Aung Hlaing hi a tun tum thawn cun Myanmar ram leng ih a tlawn suah vawi 2-nak a si ih, Thla hmasa ah khan Indonisia ram Jakata khawpi ih neih tak ASEAN Summit ah a rak feh zo a si.

 

 

Author: admin

Leave a Reply

Your email address will not be published. Required fields are marked *