MINDAT RALTLAN LAKAH NAUTE THLA 7 MI LEH KUM UPA PAKHAT AN THI

Mindat raltlan zone 3-nakih naute thla 7 mi leh kum 67 mi an thi  mipi raltlan pawl chu damlohnak ruangah an thi tih zone 3-nak ih duty cun a sim.

Naute chu a khua a sik ih, an rawn tlannak lamah a si ding,  hramlakah an um reng ring ih, khua thlengin ralkap pawlin  an rawn dawi ih, cu mi ruangah hramlak ah an tlan ih, ruah a sur ih, khua a dai fawn ih a dam lo a si, Pakhat cu kum upa lamdeuh Ngati khua raltlan camp-ih um mi a si ih, ani cu damlo deuh cia mi a si, a hrisel nak a tha tuk lo ruangah a nih khal hramlakah a tlan ve ih a tlannak lam ah a khuasik I, tuamhlawmtu nei lo leh sii ei ding ra thleng thei fawn si lo ih a thi a si tiin an sim.

Mindat township Min khua ih thla 7 mi nauhuak cu June ni 18 ah khan a thi ih, Ngati khuaih kum 57 mi cu June 15 ah khan a thi tih theih a si.

Mindat khuaah raltlan umnak zone 12 tiang a um zo ih, tunah zone 3-nakah raltlan pahnih an thi  a si, Magui region lam ih raltlan pawl khal nikhua um dan that loh ruangah dam lo leh mithi an um ti theih a si.

Minat raltlan pawl cu lamzin phit (block) ruangah a ei leh in ding bakah sii ei ding an mamawhnak a sang nasa ih, fur ruahti tlak lai a si vekin, damlo khal ziang maw zet cu an um a si tiah theih a si. Thlacamnak thawn kan bawm pai uh

 

 

Author: admin

Leave a Reply

Your email address will not be published. Required fields are marked *