CHINA RAMAH SAIRUAL A CHHUAK

China ram chhim thlang lama chuan sairual 15 vel hi ram hnuai atanga rawn chhuakin an hmazawn an kal kawnga an hmuh hmuh huanthlai leh thil chinte chu ti chhia in an kal zel a, Chekin lian pui pui te pawh an tichhe nual a ni.An thil tih chhiat hi dollar maktaduai 1 man hu vel ni a thu dawn a ni.

Heng Asian sairual te hi humhalh bik an ni a, engvanga hetianga an awmna Yunnan Province ramngaw humhalh Xishuangbana National Nature Reserve atanga rawn chhuak nge tih hi hriat chian a la ni lo. Khawi lam nge an la pan zel dawn tih pawh a rin lawk thiam theih lo.

April thla tirh a tang tawh khan heng sairualte hi an rawn chhuak tan tawh a, kilometre 500 chuang kal tawh in thlai Hactares 56 vel ti chhia in China pawisa yuan mtd 6.8 hu vel thlai an ti chhe tawh tiin CCTV chuan a puang a ni.

Heng Asian Elephant tia hriat ram hnuaia awm chi sai hi 1980 kum vel khan Yunnan Province-ah 139 chauh awm thin kha an lo in thlah pung zel a, tunah chuan 300 vel hian an lo tling pha tawh a ni.

Thuneitute chuan sairualte chet dan an thlithlai reng a Yunnan biala khawpuiber mi maktaduai lai awm na hi km 20 emaw chauh in an hlat tawh a ram hnuai lamah umkir leh turin hma an la mek a ni.

Hetianga ram hnuai atang khawpui lam pana sairual a rawn chhuak hi helai biala an vawi khat tawnna a ni. Source-NDTV

 

Author: admin

Leave a Reply

Your email address will not be published. Required fields are marked *