NUG chuan Daw Aung San Suu Kyi Tan Hlauthawng Hle, The Tahan Post

National Unity Government (NUG) chuan Aung San Suu Kyi awmna chin an hriat loh thu leh a chungah engemaw a thleng ang tih an hlauhthawn tak zet thu vawiin June ni 1 hian thuchhuah an siam a ni. An thuchhuahah chuan May ni 24-a Aung San Suu Kyi, U Win Myint leh Dr. Myo Aung te Naypyidaw council hmun pakhatah military council lam chuan a bika court ruahmanin a vawi khat nan court-ah anmahni ngei a inlantir a. Chutianga an inlantir zawh chuan an tantirna hmun sawnin hmun dangah an hreng zui zel niin chanchin rintlak tak atangin NUG sorkar chuan a hria a.

Daw Aung San Suu Kyi te pathum chu sipai lam chuan dahna hmun bik a nei tih hriat ni mah se, military council lam chuan hetia thla 4 a liam tawh hnu pawhin engmah an la sawi chhuak duh lo a ni. May ni 24-a court neih tum pawhin Aung San Suu Kyi chuan an awmna hmun chu a hriat loh thu a sawi a ni. Chutah sipai lam chuan court siam chawp leh zim takah an pathum inlanna thlalak chu a tarlang thung a.

Hei hi thuneihna pawng lak a nih hnua Aung San Suu Kyi thlalak mipuiin an vawikhat hmuhna a ni a, chu pawh court hmaa a inlanna a nih vangin, rilru a nuam duh lo hle tih social media lamah an ziak hlawm a ni. A nihna takah chuan Aung San Suu Kyi chu a la dam tha a ni tih ram chhung mite leh ram pawn mite hriattir an duh vang mai a ni a. Hetia thlalak an vawrh darh hma hian Senior General Min Aung Hlai chuan China sorkar control media-in an interview tumin Aung San Suu Kyi chu a dam that thu a lo sawi tawh a ni.The Tahan Post.

Author: admin

Leave a Reply

Your email address will not be published. Required fields are marked *