Nihin June 1 Chin State news update

Nihin June 1 Chin State news update, Hakha le Thantlang, Falam ,Tidim le Tawnzang ah Sianginn a Kaimi an Um Lo

Nihin (June 1) in SAC nih Myanmar ramchung sianginn vialte on hram a thawk nain Hakha le Thantlang ah cun sianginn a kaimi siangngakchia an um lo, tiah thawng kan theih.

Hakha BEHS No.1 sianginn cu kutka an on ko nain CDM a tuah lomi sayate lawng an um i siangngakchia a kaimi an um lo, A dang BEHS. No. 2 le No. 3 cu sianginn kutka an khar hna.

Thanthlang zong ah sianginn a kaimi an um lo tiah Thanthlang khua upa pahnih nih The Chin Journal ah an chim.

Thantlang BEHS No. 2 sianginn sayaci nih, “Sianginn kai ding in a rak apmi zong an um lo. Nihin ah sianginn a rak kaimi zong an um lo. Sayate hi kan zapi ah minung 35 kan si i, CDM ah aa telmi 31 an si,” tiah a chim.

Hakha le Thantlang bantuk in Falam zong ah sianginn a kaimi an um lo, tiah Falam tualchung media pawl nih an langhter. The Chin Journal,

Nihin June 1, Falam sianginn hna ah sianginn kai an um lo, Kan fale sianginn a kaiter lotu nulepa, sianginn a kai lo mi kan fale le siangcachim saya/mate cung ah upat hmaizah kan in pek hna,” tiah Falam CDM Supporters nih a thanh.

Nihin June 1, Tedim le Tonzang zong ah sianginn kai mi siangakchia an um lo,” tiah The Tedim Post nih a thanh.The Hakha Time.

 

 

 

Author: admin

Leave a Reply

Your email address will not be published. Required fields are marked *