RAMSIAL CHANCHIN TÀWI TE IN

A hmasa ber in Ramsial hi sub-species 3 ah then an ni tih hre phawt ta ila, 1 India ramsial, 2 Burma ramsial, 3 Malaysia ramsial chenna ram.

India chhim tawp,Kerela,Karnataka te khawthhlang lam WESTERN GHATS an tih an te,Orissa, leh a thenawm ram tlem azawng, North East a mi te hi Vai ho ramsial nge BURMA ramsial zawk tih hi ka la chiang lo tlat.Nge kan nei kawp zawk ni maw.

2 Ram dang, Burma,Thailand,Laos,Cambodia,Vietnam te leh Malaysia khawchhak lam, China, 3 Sri-Lanka ah an extinct tawh.Bangladesh a mi te pawh an extinct trép.

Poulation, India,Bhutan leh Bangladesh ah chauh 2020 khan census làk niin 23,000—30,000 vel niin khawvel pum a an population làk chu 2016 daih tawh kha niin 21,000 vel an ni a.Hei hian Vairam ramsial te chu an pung chho tha viau tih a hriat mai nghal theih awm e.Keini ang in ramsa sà an ei ve vak ngailoh vàng leh WLS an enkawl that vàng niin a lang.Ramdang zawng khi chu Mizo ang chiah a ramsa ei hnam an ni deuh vek a,pun lam aiin tlem lam an pan tial tial thung.

Inthlah hun lai, Kumtluan a inpàwl zauh2 reng chu an ni nà in a hunpui ber DECEMBER–JUNE niin,a hunpui lehzual chu April-May a ni.A nu ho hi a rual in an awm thin a 11 aiin an tam ngai meuh lo, LALNU Matriach an tih hi group tin hian an nei a.Hetiang an MHIP GROUP ah hian a pà, a la no leh la túai zual deuh ho an tel ve thin tih hria i la.APRIL thla ah a pà ten an rawn join a,a pàwl rual apiang an duh duh an pàwl mai thin.May thla tàwp lam emaw June thlatir ah a nu group hi an kalsan ve leh mai thin.Hetih hun,an inthlah hun lai hian a pà 1 chauh pawn a, nu Group tamtak an tlawh làwr thin,an lík an lén làwr nasa thin hle a nih ber chu.Tin,a pa 1 chauh nilo in engemaw zàt in a nu group hi an awmchilh thin a,mahse an intibuai ngai hran lem lo.Ramsa tam zawk a ithlahpun hunlai a ‘chhu’ inchuh a insual dup dup ang chi kha a awm ve lem lo.

June thla pelh hun chuan, June thla ah a nu group an chhuahsan ta thin tih kan sawi tawh a,chuan chu mi hnu ah engtin zél nge ?A pa thenkhat chu awmkhàwm in ‘A PA GROUP’ an din a,thenkhat erawh a mal in an tla hrang thin.He lai tak hi sawichian fak na awm lem lo mahse mit kher ni lo, utube leh ramhnuai a an ramtla lai thlalak tamtak kan en chuan A PA HLANG group a mi te hi a pa túai deuh an ni thin a,mahni a maltlat zui ta zawk ho hi a pachal lian tak tak tawh chin an ni.

Heitak hi mizo ten, kan sawi fo Mahni a tla hrang chin kan tih thin hi ni ngeiin a lang.Pachal tawh tak kher lo te pawh maltlat ta zàwk an awm ve thin tho a,chuvang in mahni a tlahrang chin hi TUMPÀNG an ni,han tih ngawt pawh a dik ngawt thei bik lo tihna nih chu.

Ei leh in, Thing hnah leh hnim chi engzàt nge an ei tih chu an chénna ram a zir a ni ang a,mahse he ta sawi lan ngai chu teak thing kàwr hi an hík/pet tla fo a ni.A chhan chu an thlai hnah peh ho ah an taksa mamawh tàwk Calcium, phosphorous te awm thin lo a ni.Teak hàwng ah khitiang khi a tam hle.

Sih kan tih thin hi minerals, Sodiam,potasium,calcium,iron….etc an hmuh na ve ber a ni bawk.Hei pawh Mizo te chuan kan sawi hràng leh ta pek a.Pipu te kha an zahawm teh meuh mai,min thlahtute an ni,mahse thudik lo inhrilhchhawn kha an ngah a ni tih kan hriat a tha.Sih hian eng huai huai mah an nei lo.

Weight, A nu chal : 400–1000 kgs, A pachal : 600–1500 kgs, AN HMELMA , Tiger hi an hmelma lian ber niin,a no leh la túai deuh ho a bitum tlangpui a,mahse a pa/nu chal ve tawh tak kg 1000 vel a rit pawh a sehhlum tawh tih record chian a awm.

Damrei zawng, Ramsial hi ramhnuai ah kum engchen thleng nge an dam tih hi chiang tak a hriat a ni lo a,mahse mihring man an khawi/Vulh (sial pangngai ang kha a ni chuang lo tih hria i la,ramsa,an thlunbeh a an khawi a nih chu) ho hi kum 30 an dam.

Bawng pai tirh, Kum 2001 khan Ramsial pa chi chu bàwng chhúl ah an dah a,Iowa,USA ah, a rài in a hring ve mai bawk a,mahse darkar 48 vel hnu ah a thi zui ta nghal tho, PIC, Ramsial pachal in, an breeding season a, nu group , join vein hmahruaitu ah an tan lai.

Author: admin

Leave a Reply

Your email address will not be published. Required fields are marked *