EIRUK HMANG MYANMAR (TATMADAW) SIPAI LALTE VANGIN SIPAITE CHU TAMCHHAWL IN AN KHAWSA TA.

Myanmar Military council sorkar a rinawm taka sipai tang lai officer ni pha lo chin ,sipai lumum kan tih ho hi , an pute thupek zawmin bula tuh rawh an tih apiang thuawih takin a kawi a ngil in an zawm a ,a thim a var pawh thlu lova an thawhrim em em a,tichung pawh chuan duhsakna an dawng chau em em a an hotute a lal berin Kyats Nuai 30 hlawhpui (Basic Pay) an laklaiin an ni sipai lumum erawh Kyat nuai khat leh sing nga emaw lek an hlawh a ni.Sipai Rifle man pakhat ni khat hlawh hi Mizorama daily helper nikhat hlawh zat lek a ni.

Tatmadaw Officer lian te erawh chu sipai hoin an din company chi hrang hrangah share holder an ni hlawm a,a thente chu Chief Executive Director nihna chelh kawpin Myanmar ram chhunga leichung leh leihnuai lama thil laihchhuah thilhlu chi tin reng chu mahni tana pumbilh in an nei a, sipai hian Border Trade thlengin thuneihna chelhin ramchhunga thil hralh chhuah tur leh ram pawna thil rawn lut thlengin Export & Import lam an kutah a awm vek a.Ram chhunga sumdawng lian leh contactor liante nen tangrualin development hna zawng zawng deuh thawah an in rawlh bawk a, sipai lalte hian ruihhlo thlenga sumdawnna ah an in rawlh tih hriat a ni.

An sipai te erawh chu hlawh khamkhawp pawh dawn tir lovin Ethnic Armed group chi hrang hrang an mahni nena inremna sign ve duh lote lakah beihpui an thlak reng a,Sipai te chuan ram leh mipuite venghimtu niloin an pute (Abba) အဘ tia an koh thin te tan an nunna thlapin an thawk mawlh mawl a ni.

Sipai Officer Lal tak tak fate chu Foreign ram changkang lamah zirna sang zawk zira an tuan laiin an fate erawh chu matric pass an lo awm mial pawh in an zirtir chhun zawm thei lova,sipai ah bawk an tang leh thin a ni.

Sipaite hlawh a tlem teh reng nen Sipai officerte din Life Insurance Company ah a pung tlemte-in hlawkna awm vak loin Premium an thun tir teuh a,Vanduai thlak taka ralram a kuttual leichham emaw thihna hial an tawh pawhin an sumlakchhuah leh hian a phuhru meuh lo.

A pawi ber zawk chu an pension in emaw an lo thih palh in reilo te chhung bak an chenna sipai in ( Family Line or Barrack) luah an phal lova , an dinhmun leirem an rah theih hma chu sipai ban hnu hian an vakvai ta thin a ni.

Sipai chanchin sawi takah chuan Myanmar sipaite hi Tatmadaw an in ti a,US sipai te GI joe an ti a,British sipai te Tommy tia an koh duat ang a ni kan ti thei ang, Sipai zawng zawng zinga lalber chu Airforce,Navy leh Army hotuber niin SENIOR GENERAL tia koh a ni.Chu nihna chelh mekhi sual sipai hotu ber Min Aung Hlaing hi a ni a.

Senior General, chuan Commander-in-Chief of Defence Services tih sipai hna hi a chelh a ni, A thachhang dawltu hi Vice Senior General a ni a, Sipai lalber dawttu , Deputy Commander-in-Chief of Defence Services nihna a chelh a ni, Chu mite 2 kaihhruaina hnuaiah chuan sipai hotuber Army/Navy/Airforce theuh ah chuan Commander-in-Chief, hnihna chelh pakhat theuh General rank an awm leh a ni.

Myanmar Army laldan indawt leh an thlahlawh (Basic Pay ) ka rawn tr lang e.1.Senior General (Sr.Gen) ဗိုလ်ချုပ်မှူးကြီး Hlawhzat Kyats 30,00,000 Thirty lakhs@Ram dangah chuan Field Marshall tiin an ko thin, 2.Vice Senior General(VS.Gen) ဒုတိယ ဗိုလ်ချုပ်မှူးကြီး Hlawhzat Kyats 25,00,000, Twenty five lakhs@Ramdangah chuan Vice Field Marshall an ti bawk.

3.General ဗိုလ်ချုပ်ကြီး (Gen.) Hlawhzat Kyats 20,00,000 Twenty lakhs, 4.Lieutenant General(Lt.Gen) ဒုတိယ ဗိုလ်ချုပ်ကြီး Hlawhzat Kyats 15,00,000 Fifteen lakhs, 5.Major General(Maj Gen.) ဗိုလ်ချုပ် Hlawhzat Kyats 10,00,000, Ten lakhs, 6.Brigadier General(Brig.) ဗိုလ်မှူးချုပ် Hlawhzat Kyats 7,00,000 Seven lakhs, 7.Colonel (Col) ဗိုလ်မှူးကြီး Hlawhzat Kyats 50,000 Two lakhs

8.Lieutenant Colonel (Lt.Col) ဒုတိယ ဗိုလ်မှူးကြီး Hlawhzat Kyats 450,000 Four lakhs Fifty thousand, 9. Major(Maj) ဗိုလ်မှူး Hlawhzat Kyats 396,000 (Three lakhs ninety six thousand) 10.Captain(Capt) ဗိုလ်ကြီး Hlawhzat Kyats 350,000 (Three lakhs fifty thousand) 11. Lieutenant(Lt) ဗိုလ် Hlawhzat Kyats 314,000 Three fourteen lakhs, 12.Second Lieutenant (2/Lt) ဒုတိယ ဗိုလ် Hlawhzat Kyats 308,000 (Three lakhs eight thousand) Sl 12 thleng hian Commissioned Officer tih a ni.

Junior Commissioned Officers (NCOs) 13.Warrant officer (class 1) India rama Sibudar Major အရာခံဗိုလ် Hlawhzat :-Kyats 2,50,000 (Two lakhs fifty thousand) 14.Warrant officer (class 2) Sibudar ဒုအရာခံဗိုလ် Hlawhzat :-Kyats 240,000 (Two lakhs forty thousand) 15.Staff Sergeant Naik Sibudar တပ်ခွဲတပ်ကြပ်ကြီး Hlawhzat :-Kyats 220,000 (Two lakhs twenty thousand)

Others Ranks, 16.Sergeant တပ်ကြပ်ကြီး Havildar Hlawhzat :-Kyats 204,000 (Two lakhs four thousand) 17.Corporal တပ်ကြပ် Naik Hlawhzat :-Kyats186,000 (One lakh eighty six thousand)

18.Lance Corporal ဒုတပ်ကြပ် Lance Naik Hlawhzat :-Kyats168000 (One lakh sixty eight thousand) 19.Private(Rifleman)တပ်သား kyats 150,000 (One lakh fifty thousand) 20.New Recruit Rawnrut mek. Kyat 144,000 (One lakh forty four thousand)

Non-Commissioned Officers te hi an sipai ten Saya (teacher)/Sabb tiin an ko thin a, Sibudar or Warrant officer chin hi Sayagyi tiin anko thin, Warrant Officer Class 1 hi Regimental Sergeant Major an ti a Warrant officer Class 2 hi Company Sergeant Major tia koh theih a ni bawk.

Myanmar tatmadaw ho hi, Commonwealth of Nations ram te British hnuaia awm tawh ho in bel dan ang rank insignia hi an bel tlang pui a, sipai lubawk Rifle (privates ) hian engmah bel a nei ngai lo thung.

 

Author: admin

Leave a Reply

Your email address will not be published. Required fields are marked *