TAZYI LAMAH KCA, KALAY -PDF LEH RALKAP AN KAP AW

Kalay township Tazyi (သာစည်) khuaah military council sipai leh PDF cu tuzing nazi 5 hrawngah an kap aw ih ralkapuico lam mi 2 an thi thu theih a si, Tusun lam khal ah KCA (Kalay Civil Army) leh Kalay-PDF pawl cun ralkap uico pawl cu an kap sal ih, khawsung mi pakhat cun, “Zing kar ih sin an kap tan aw ih, khua lal inah ralkap pawl cu an um ih, khua mi hrekkhat cu an tlan suak ih,  dalan pawlin hming list lak thlapin an rak report ruangah, an tlan hlawm a si, tiin a sim.

PDF pawl lak ih mi pakhat cun, tuzing ah khan zirlai hruaitu hlun Ko Hlai Thun leh Tazyi khaw lal bakah a tunu an kai ih sin  kan buai tan ih, Ralkap lam cu 60 hrawng an si, khaw sungah meithal an hmek puak ih. A tir cun mipi ngaihtuahin khaw sungih luh duh lo in, kan nghak ih, a sinan khua an suahsan lo ruangah sun nazi 12 hrawngin kan kap aw tan a si, tiin an sim cih.

Tu tiangin ralkap pawl cu khuasungah umhmun an khuar rero lai ih, khuasung mi 6 hrawng cu an kai zo ti theih a si, Tazyi lamih kahawknak a suah ruangah Kalaymyo lam khalah  security tikhauh ih, ralkap duty an tam si si a si, Zinpi feh khal an mal phah a si tiin an sim cih,  Tazyi khua hi Kalaymyo kiangte ih khua a si ih, Natchuang zin lamih um a si.

 

Author: admin

Leave a Reply

Your email address will not be published. Required fields are marked *