MIZORAM LAM IH TLAN PAWL COVID KAI TAM 3 AN THI ZO 

Mizoram lam ih Myanmar raltlan 40-in Covid natnak an kai ih, 3 an thih thu theih a si, Mizoram ih  Covid kaihdarh awknak nasa bik mi lak ah, Aizawl veng pahnih, Chhinga veng leh Electric veng sungih  Myanmar raltlan um mi pawl lakih Covid natnak kai mi 45 hmuh an si zo ih tunah hin mi 30 vel chu enkawl rero lai an si thu Myanmar Refugee Relief Committee secretary Salai Hulian cun a sim a si.

Ani cun, “Covid natnak kai mi 45 tih hi a suah tirte ih sin siar a si ih, vawi khat ih hmuh suak tinak a si lo, tunah cun dam leh sal khal an um ih mi 30 hrawng cun enkawlnak an dawng rero lai a si, tiin a sim. Hi mi kaimi pawl lakih tam sawn cu April ni 8-ih Aizawl rawn lut pawl an si ih, Asinan kha mi can lai ah khan, YMA khal an theihter ih an check thluh a si, Negative an si, Hitawk an ra thlen hnuin kai sawn an si tiin, Pu JH Liansanga, NGO United for Democratic Myanmar secretary cun a sim a si.

Tu nait May ni 27 thlengih Department of Information & Public Relations Government of Mizoram record dan ah cun Mizoramah Covid-19 kai mi 2817 an um ih , mi 34-in an thihpi zo a si. The Tahan Post.

 

Author: admin

Leave a Reply

Your email address will not be published. Required fields are marked *