THAN LWEEN RIVER TIVA AH TILI TUMPI TUAH DINGIN RALKAP IN CHINA A SIAN SAK T

Thin a va na duh ve aw, A ram leilung fa, Shan hnam pawl hman rawn lem lo in, Shan State, China ramri kiangih Kunlong Mega Hydel project cu Ralkap in hman hmawh zetin a thuneihnak hnu ih sin thla 3 hnuah China a tuan ter thlang ding.

Myanmar ram sak lam ramih Shan state feh tlangih North lam ih sin South lamih luang Tiva River Salween သံလွင်မြစ် dawlih Tili tumpi Mega dam tuah dingin ralkap council cozah cun China ram hnenah tuan siangnak  thuthlung MoA( Memorumdum of Agreement ) an singh fel a si, siarthluh awla na ruah dan cu comment lam ah aw.

Hi mi Upper Salween Hydro Electrict Mega Project Kunlong khaw kiangih neih ding mi hi, Chinese Company M/s Hanergy Group Holding Limited leh M/s Gold Water Resources( Asia World Ltd ) hnenah tuansiangnak pek a si,  Hi mi contact agreement hi ralkap council cozah hnuaia Ministry of Electrical Energy MOEE thawn hman hmawh zetin ngan a si. EPC tiih kan theih theu mi Electric Department in a supervise ding a si.

An rem awk dan ciah theih kim a si thei lo ih,  Project an theh fel hunah cun Mega Watt 1400 a thar suak thei ding a si, Myanmar ram cun a neitu sih manah 10% a lak in a nei thei ding ih, a mamawh belh a si len 50% tiangin meisa China hnen ih sin a lei thei dingng. Kum 40 sung cu China cozah in a neitu din hmun a si ding ti khal a um si hmang.

Cozah hmasa NLD in thu an neih lai ah khan China ramri kiang ih Hydro Electric Project tuah thei mi hmuah hmuah cu an rak zoh fel zo a si, a then cu Shan state lawng si lo karen state leh Kayinni State paltlang a a tul lai ah tidai in a pil siat ding ram pawl cu  China lawng si lo in Thailand ram khal a tel thei ding ih, fimkhur takin a fehpi la ah Ralkap bawi pawlin a hlawknak leh an hmaikhua ruatin an rak buaipi zang zang a si.

Hi mi Project area him nakah tiin China ralkap kilhim siangsak sela cun kum 40 chuang Myanmar ram China hnenah pe vek a si leh sal ding ih, cu le project huam sungih ramngaw hmuah hmuah cu dim lo baksak in an suasam leh ding ih, ralkap firfiak thluak thawl pawl hi an ruat thiam lo a si.

Na hmun kaupi ah miin insawng 10 hrawng rawn sa ta sela ,awng khat lawng kha a lakin lo luak ter sela,na hmuanthlai pawl thawn kum 40 sung an ta vekin rak kilkhawi sela, cu vek cu a si mei, Kum 40 hnulam ih um dan ding cu ziangtin saw an rel fel fawn si lo ih, ralkap miSual pawl in Myanmar leilung liannak an rak zuar men cu a si hi, thin a va na ve.

Author: admin

Leave a Reply

Your email address will not be published. Required fields are marked *