MYANMAR ROMAN CTHOLIC HOTUIN BEI LO DINGIN A NGEN

Myanmar ram ih Roman Catholic kohhran hotu, Cardinal Charles Maung Bo cun a ram ih tualsung buainak thleng mi ah sakhaw biaknak hmun pawl bei lo bei lo dungin a ngen.

Tu hnaiteah Myanmar ram sak lam, Shan leh Kaya state border-ih Myanmar ralkap leh tlangpar ralkap  dokahawknak a sosang sin sin ih, ralkap misual pawl leh tlangpar ralkap mi ziang maw zet an thi tiin sim a si.

Dokahnak thleng ruangah tualsung mi ziang maw zet cu sahimnak hawlin  sakhaw biaknak hmunah an tlan lut a si,  Hitih lai ah a tlanmi  thenkhat pawl umnak, Kayah state khawpi, Loikaw-ih biak-in cu bei tel a si, hi mi hmun ih um mi pali an thi ih, mi dang pariatin hriamhma an tuar a si.

Maynmar ram cu Buddhist tamnak ram si hman she la, Kayah state leh hmun thenkhatah cun Kristian an tam a si.

Yangon Archbishop cun a twitter-ah ngennak a tuah ih, hi,” Sacred Heart Church-ih himnak hawlin  tlan mi, pawi rel lo mi pawi beih tel an si cu pawi kan tiih thin a na a si, a ti, hi vek ih buainak tihih tlan mi, a bikin nunau leh nauhuak pawl ralthuam hmangin an beih theu mi cu tihtawp a cu tuk zo tiin a sim cih.

Bo chuan biak-in, hospital leh school-pawl chu international convetion-in a humhim a si tiin a sim,  Tun naite ah Myanmar ralkap leh tlangpar ralkap an dokahawmnak ruangah  mi tam pi cu hramlak lamah an tlan a si tiin a sim ih,  umnak mumal nei loin ei leh in ding mamawhin an um rero a si, a ti,

Author: admin

Leave a Reply

Your email address will not be published. Required fields are marked *