MYANMAR LAIMI SPECIALIST DOCTOR ZACHHINGA RALKAP IN AN KAP

A pawi tuk aw, Myanmar ram Laimi doctor Specialist kan neihsun malte lakah ih sin Surgery Specialist kan neih sun Dr.Zachhinga chu ni zan 26.5.2021 dar 9 :15 pm hrawngah khan a inih a tlung cu lamzin ah an kap ih hriamhma a tuar a si.

Dr.Zachhinga hi Myanmar ram laili tak Magwe Region khawpi bikah a transfer-nkhal a rei hrih lo ih, Magwe District Golf Competition an neih ruangah a va tel ve ih, lamzinah a mahten motor mawngin a tlungih,a rualpi pawl thawn an thlunaw ih lamlak ah ralkap pawlin an kap ciamco ih a motor cuannak cu kapfuhin a mit keh lamah an kap fuh a si.

Cuticun Myanmar capital thar Naypyidaw khua chu panpi a si ih Civil Hospital ICU ah admit a si, A mit keh lam hi a sia lan cih ding tiih theih a siih, hi  chanchin buatsaih lai ah OT ah luh pi tum rero lai a si ih, a nupi Nunau lam Specialist Doctor khal Rangoon ih sin a pasal sizung ih um nak pan pi rero lai a si, Dr.Chhinga nunnak cu hriamhma tuarnak ih sin ruah ding a um zet a si.

Dr.Zachhinga hi 1994 kum ah khan Mandalay khawpi ih Institute of Medicines ih sin MB,BS tha takin a zir suak ih, 2004 ah khan post graduate degree M.Med.Sc (Surgery) a zir suak leh ih, khawchhak Chin zofate lak ah Surgery specialist kan neih hmaisabik a si.

Dr.Zachhinga hi Myanmar Democracy freedom fighter Ex.MP Pu Dothawnga fapa lak ih  3-na a si ih, a farnu Ebenezer Siami khal MP Vawi 2 rori thlan tlin lainu pawrhum tak a si.

A unau pawl lakah hin  politician theih hlawh tak Pu Zadawla B.Sc ,Dr.Rodinga leh Dr.Lalthanga te an si. Dr.Dodinga hi literature lama hmang aw ve tak Mizo Society of America pawlkawm ih hruaitu a si.

 

Author: admin

Leave a Reply

Your email address will not be published. Required fields are marked *