MIZO SPECIALIST DOCTOR ZACHHINGA SIPAI IN AN KAP

Myanmar ram Mizo doctor Specialist tlemte zinga Surgery Specialist kan neih chhun Dr.Zachhinga chu ni zan 26.5.2021 dar 9 :15 pm vel khan a ina a haw kawngah kahhliam a ni.

Dr.Zachhinga hi Myanmar ram laili tak Magwe Region khawpui berah a transfer-na pawh a la rei lova,Magwe District Golf Competition an neih avangin atel ve a, haw kawngah amahin motor a khalh haw a ,a thiante nen motora an in zui kha kawnglakah sipaiin an rawn pawngkah vak ta mai a, a motor chuana ber kher chu fuh in a mit vei lam leh a ban vei lamah an kap fuh ta a ni.

Tichuan Myanmar capital thar Naypyidaw khua chu panpui a ni a Civil Hospital ICU ah admit a ni.A mit vei lam hi a chhe hlen dawn nia hriat a ni a,he chanchin buatsaih laiin OT ah luh pui tum mek a ni a,a nupui Hmeichhe lam Specialist Doctor pawh Rangoon atangin a pasal damdawiin awmna chu panpui mek a ni.Dr.Chhinga nunna erawh chu a hliam avangin a derthawn awm lem loh awm e.

Dr.Zachhinga hi 1994 kum khan Mandalay khawpuia Institute of Medicines a tangin MB,BS tha takin a zir chhuak a,2004 khan post graduate degree M.Med.Sc (Surgery) a zir chhuak leh a,khawchhak zofate zinga Surgery specialist kan neih hmasak ber a ni.

Dr.Zachhinga hi Myanmar Democracy freedom fighter Ex.MP Pu Dothawnga fapa zinga 3-na a ni a,a farnu Pi Ebenezer Siami pawh MP Vawi 2 hiala thlan tlin zonu chhuanawm tak a ni.

A unau te zingah chuan politician hriat hlawh tak Pu Zadawla B.Sc ,Dr.Rodinga leh Dr.Lallawmthanga te an ni.Dr.Rodinga hi literature lama inhmang ve tak Mizo Society of America pawla hruaitu a ni.Pu tluanga chhakchhuak.

Author: admin

Leave a Reply

Your email address will not be published. Required fields are marked *