MAY THLA SUNG AH MILITARY COUNCIL RALKAP 128 AN THI ZO KNU

May thla thla sung ah Military council ralkap 128 an thih thu KNU in a tarlang, Myanmar chhim lam, Karen state sungih May ni 5 ih sin May ni 26 tiangih dokahnak thleng mi ah military council ralkap 128 an thih thu KNU cun thusuah a tuah a si. Thi lakah hin ralkap captian, sergeant, commander pawl an tel ih, hriamhma tuar mi 180 an um ih, tul pawimawh (ration) laknak cozah 12 an thih bakah ral motor 9 a siat thu theih a si.

KNU lamah cun thi 2, hriamhma tuar  9, civil mi 1 a thi ih, 5-in hriamhma an tuar a si, Nationwide Ceasefire Agreement (NCA) ih hmin ngan lakah KNU khal hi tel ko nan, Pha-pun district-ih ralkap lam thawn lamzin tuah cungcangah an rak kahawknak cu kum 3 laia si zo ih, tukum February ni 1 leh April ni 8 ah khan dokahawknak vawi 200 hrawng a thleng ih, KNU lam cun an kahawknak san cu ralkap lamin ramri lan in a rawn luh theu ruangah leh  military exercise a rawn neih theu ruangah a si tiin a sim.

Ralkap lam ve thung cun cu mi thu cu an pawm lo nasa ih, April thla sung ah khan Thai-Myanmar border (ramri) ih ralkap camp pakhat cu KNLA lam cun an la thei ih, March ni 27 ah khan Ti-mu-da camp cu KNU lamin an kap sal ih Captain pakhat leh ralkap 8 an kai ih, Tu nai te ah hin Kayin state KNU, control area, brigade 5 umnak Pha-pun district-ah Border Guard Force (BGF) telin ralkap pawl thawn an kap aw phah phah theu a si.

March thla sung ah khan brigade 5 leh brigade 3 hmun chu ralkap lamin vanzam (jetfighter) ih sin bomb an thlak ih, civil mi 20 an thi ih, tualsung mi thawnghra lenglo an raltlan an um a si,  Military council ralkap lam cun KNU cu a control area, brigade 1, 2 leh 7 hmunah National Unity Government (NUG) thawn pehparawin  ralkap training a pek thu a sim a ve ih, a si nan, KNU lam cun an pheh hrih a si. The Tahan post.

 

Author: admin

Leave a Reply

Your email address will not be published. Required fields are marked *