DONALTRUMP A RUN CANGVAI SAL, DEMOCRATS PAWL AN THIN PHANG

President rak tuan zo tu, Donald Trump cun kum kan thlen ding mi 2024 ih USA Presiden hrilawknakah zuam sal tumin a ra kirsal, karleh lam ah hin hrilawknak dingih  hmun pawimawh Crucial Battleground States 4 ah thusimnak nei dingin  in feh a tum ti a si.

A feh nak ding State pawl cu, Florida, Ohio, Georgia leh North Carolina ah a si. Democrats lam pawl cu tuih sin an thin a phang ruangah, Donald Trump cu Election ih tel thei lo dingin thil phun phunin tan an la thawk a si, a sualna lawrkhawm in court ah tazia an cuai rero lai a si.

SAC ralkap pawlin Aung San Suu Kyi sual ih an puh mitla an bang zet, President Biden cu a tar a deuh thlang a si ding a lak tlak tuk lem lo, Russia, China, North Korea, leh Muslim hmelma tum Hamas an tih mi pawlin zianghmanah an siar lo, An duh duh in an cangvai rero men a si, Donald Trump sanlai ah cun hi pawl hi an cang ngam lo. President Biden cun Press Conference ih thula tu pawl ih thusuhnak leh simfiangnak cu a huphur in a tih theu a si kha, Press Conference khal zarhtinten neih ding mi khal a nei duh dah lo, Biden san ah hi cun Gas, Petrol man  leh thil man pawl cu a khung thluh a si.

Hi vek in an feh vivo a si ah cun kum 4 sungah US in pawisa a neihmi hmuah hmuah cu an hmangral thluh ding tih an zum a si, Refugees khal kumkhat ah 125000 ka la ding a ti mi khal a thulh sal ih kumkhat ah 62500 lawng lak a tum leh sal.

Author: admin

Leave a Reply

Your email address will not be published. Required fields are marked *