MYANMAR RAMRI VENGTU BORDER GUARD FORCES (BGF) CHANCHIN

Karen hnam sipai leh karen BGF inkahna -ah BGF commandant thi, Karen State khawpui panna highway ah KNU sipai KNLA leh ramri vengtu BGF sipai Karen hnam tho,Burma sipai firfiak tan lam te chu May 24 khan an inkap chiam a.BGF commandant 1 leh sipai 3 an thi a.

India rama ramri vengtute chu Border Security Force (BSF) tia hriat lar an ni a, Sipai dik tak regular Army niin ramdang sipaite nen pawh inhmachhawn thei tura Tank leh Thlawhtheihna thlengin an mahni pualin an nei a ni.

Myanmar ramah pawh India ram ang lo deuh in ramri vengtu pawl an lo nei ve a,BGF tia hriat a ni.Border Guard Forces (BGF) hi Arakan State chhunga Border Guard Police Forces te nen hian hriat pawlh / ngaihpawlh miah loh tur a ni thung.

Border Guard Forces (BGF) te hi Myanmar sipai (Tatmadaw) te nen inkahhai thuthlung ziaktu hel pawl thenkhat-te nena infinkhawma din, ralthuam keng pawl an ni a.

Border Guard Forces hi April 2009 kuma din tura hmalak tan a ni a, Myanmar sipai hotu Lt.General Ye Myint-a chuan Shan state chhunga Kokant ,Shan leh Wah hnam hel pawlte chu inremna siampui in Tatmadaw sipai hnuaiah Collective Security Force” siama din hi a tum a ni.

BGF Commander khaikhawm tu ber chu Minister of Defence, General Mya Tun Oo Commander-in-Chief of Myanmar Armed Forces hi a ni mai a.

Nationwide Ceasefire Agreements (NCA) pawmtu Myanmar hel pawl hrang hrangte chu ramri venghim pawl anga hma la turin hun tiam hnuhnung ber deadline siam sak a ni.An deadline bituk hi a tir chuan June 2009 khan ruahman diam tawh mahse remchan lohna a awm zela vawi 5 vel lai a tawlh hnuin September 2010 khan an din puitlin kim thei ta hram a ni.

Tichuan heng hel pawl hrang hrangte chu, Democratic Karen Buddhist Army, Kachin Defence Army (4th Brigade of the KIA) New Democratic Army – Kachin (NDA-K) leh Pa-O National Organisation/Army te chuan BGF din tura Myanmar Tatmadaw ho thu rawn chhawp chhuah thuthlungte chu an pawm thei ta a, BGF sipai pawl a awm an rem ti a ni.

20 August 2009 khan Tatmadaw leh BGF te chuan Laukkai khua Kokang bulah tangkhawmin Myanmar sipaite dotu ber an hmelma Myanmar National Democratic Alliance Army(MNDAA) te tanhmun khuarna Headquarters chu an hual bet ta a , beihpui thlakin an do tlang a ni.A hnu deuh chuan a hunlaia president U Thein Sein-a khan inkahhai chungchanga hel pawl dangte nena inbiak remna lam chu chak takin hma a la chho ve ta a.

BGF chungchangah chuan chutiangin official takin sorkarin Guidelines a duan sak lem lova.BGF sipaite chu Myanmar sipaiin a ruat bik bial chhungah chauh thuneihna leh ralrel lam thil a ti thei ang a, BGF sipai te chu Tatmadaw sipaite nen angkhatin en an ni a, hlawh leh hamthatna intluk tlangin pek a ni bawk.

BGF sipai Unit khat hi mi 326 ni tur a, ruahman a ni a.kum 18 atangin 50 inkar an ni tur a ni. An zinga 30 chu regular Tatmadaw sipai nih a ngai a.Officer rank Major 1,Captain 2 leh rank dang 27 an awm a ni, A la bang zawng chu helpawl sipai 295 atangin Officer 15,JCO 18 leh sipai 200 an ni tur a ni.

BGF Commanding Officer erawh chu hel pawl atangin hotupa ber a ni ang.Hetianga CNA hming signed pui theih zingah hian BGF sipai pawla tang duh miah lo hi KIA/KIO , United Wah State Army, DKBA zinga Brigadier Saw La Phuai-a pawl te an ni.

Border Guard Forces tura Ethnic hel pawl inkahhaina thuthlung ziak tawh atanga Tatmadaw sipai ho tanrual puite chu NDA-K, KNPLF, MNDAA, Lahu Militia group,nDKBA, leh SSA group te an ni.

Kachin ,shan,kayah leh Karen State chhungah Border Guard forces te chu Battation 23 neiin ramri vengtuah an tang ta hlawm a ni.

No.1001(BGF) , No.1002(BGF),No.1003(BGF) Battalion 3 hi Kachin state chhunga NDA(K) te bial chhung a ni. No.1004(BGF) battalion hi kayah State bial chhung a ni a. No.1005(BGF),No.1006(BGF, No.1007 (BGF) No.1008(BGF) No.1009(BGF),No.10010(BGF) Battalion 6 hi Shan State chhungah a awm bawk. No.10011(BGF) atanga

No.1023(BGF) thlenga Battalian 13 chu Karen State chhungah a awm thung a ni, BG,  te hi mahni policy leh political aims mumal pawh nei hlei lo ,mahni mite phatsan a Tatmadaw sipaite nen tangruala mahni tan chauh en thin mi huamhap hmasial chingte an ni kan ti thei ang.

 

 

Author: admin

Leave a Reply

Your email address will not be published. Required fields are marked *