MYANMAR ELECTION COMMISION IN SUU KYI PARTY NLD THIATBAL TUM

Myanmar ralkap cozah cun  election commission a ruat thar mi cun Aung San Suu Kyi party, National League for Democracy Party (NLD) cu nikum November thlaih rampum hrilawknakah hin thil dik lo a si tiah puhin an party hi ṭhiah balsak a tum tih Myannar Now cun a tarlang.

Myanmar Now report danah cun, Union Election Commission (UEC) chairman Thein Soe cun, NLD-in hrilawknak a fehpi dan cu dan kalh a si ih, cu mi ruang ah NLD party registation hi kan thiatsak ding a si,” tiih a sim mi thu a tarlang. Rampi hrilawknakih dik lo zet ih thil tih cu ram phatsantu vekih ruat a si thu leh, an parah action khal an lak ding thu a sim bet.

Hi mi report chungchangah hin ralkap thupuangtu leh, democracy cohlangtu pawl ih din mi national unity government (NUC) aiawh pawl ziang hman an sim hrih lo ih, a si nan ralkap cozah cohlangtu, Union Solidarity and Development Party thupuangtu cun meeting an neih mi thu, a sim ih an thutluknak an tuah dan ding cu a a theihpi thu a sim cih.

Ralkap pawlin February 1-ih civil cozah thuneihna an lak danah hin nikum rampi hrilawknakah thil dik tawk lo a um ruangah a siin an sim zo ih, ralkap lamin complaint an thehluh mi cu electoral commission cun a pawmsak lo tiin an sim, Thuneihnak an laksak hnuah hrilawknak khal an tuah lohli ding thu khal an sim, a si nan a tik cu leh can cu an sim lo a si.

 

Author: admin

Leave a Reply

Your email address will not be published. Required fields are marked *