Juda-te tan Temple Mount complex hawnsak, Vanglaini Daily News

Israel leh Palestine-ten inkahhai an puan hnuin, Pathianni khan East Jerusalem-a Temple Mount complex chu ni 20 hnuah Juda-te tan hawn a ni ve leh ta.

Temple Mount complex-ah hian Juda leh Palestinian-te inkarah buaina a lo chhuak fo a, tun ṭuma Gaza Strip-a inbeihna thleng leh, Israel ram chhung hmun hrang hranga buaina chhuakah pawh he complex-a buaina chhuakin a kangkaite an ni.

Buaina a punlun zel avangin May 3 aṭang khan Juda-te Temple Mount tlawh phalsak an ni lo a, thuneitute chuan Muslim ni lo tan tlawhpawh an phal lo zui a ni. Temple Mount hi Juda sakhaw vuantute tan hmun thianghlim a ni a, hemi rual hian Islam sakhaw zuitute tan an hmun thianghlim pakhat, Al-Aqsa Mosque awmna hmun a ni ve bawk.

Ni 20 chhung Juda-ten an tlawh khap a nih hnuah, Pathianni zing khan hawnsak an ni ve leh ta a, Israel special force-te venna hnuaiah Juda mi eng emaw zat chuan an tlawh nghal a ni.

 

Author: admin

Leave a Reply

Your email address will not be published. Required fields are marked *