AUNG SAN SUH KYII SPECIAL COURT-AH AMAH NGEI KAL IN A IN LAN TA

6th June ah court leh tura tih a ni a, thubuai thar phuah chawp an siam belh ziah thin…..


Myanmar ram mipui hruaitu Pi Aung San Suu Kyii chu vawiin 24.5.2021 khan tum dang anga Vedio Conferencing hmang a, court a in hmachhawn lovin, court hmaah dingin a mah ngei kha a hring a hran in court ah a in lan a, hei hi sipai council sorkarin thuneihna a pawnglak hnua , a vawikhat courta a taka a in lan vawi khatna a ni.

Special Court hi Myanmar khawpui thar Napyitaw Capital sorkar hmun chhunga Pi Aung San Suh Kyii chenna in bula compound zau tak chhunga an siam chawp a ni a, Vawiinah Ukil 6 ten President U Win Myint,Pi Aung San Suh Kyii leh Dr.Myo Aung te chu thubuai chungchangah hmuh phalsak a ni a. Ukil 5 in U Win Myint leh Pi Suh Kyii chu chu minutes 30 theuh inkawmna hun an phal sak a,Dr Myo Aunga pawh a ukil 2 ten darkar chan ve an kawm bawk. Tichuan Pi Suh kyii thubuai chu 10:30 to 11:00 am chhung hearing neih zawh tak hnuah June ni 6 ah rawn in lan leh tura tih a ni.

A ukil Thae Maung Maung chuan Pi Aung San Suh kyii chu a hriselna a tha khawp a, rilru hah vanga hmelhlim lo ang pawhin a awm lem lo a ti. Tichuan court ah hian hearing an neih hmain a ukil te chu darkar chanve lai titi puina an neih thu dawn a ni.Chu tah chuan an titi sawi zawng zawng an hriat theih nan CCTV an vuah a ni a ti.Aung San Suhkyii chu a kawr hak thin a pawdal rawng lam deuh a ha a, a sam style pangngai thoa incheiin pangpar erawh a tawn lem lo a ni.Thlalak erawh an phal loh avangin kan rawn ti lang thei lo a ni.An hren hnu hian pawnlam chanchin engmah a hriat loh thu leh tha taka an enkawl thu a lo hrilh bawk a ni.

Aung San Suu Kyi hi kum 75 chuang upa a ni tawh a,kan hriat angin mahni inring tawk tak hamhaihna nei miah lova mahni thutlukna siam thei a la ni a, Democracy lamtlunga a thawhrim em avangin khawvel University hrang hrangin chawimawina Doctorate Degree an hlan nual a,Nobel peace prize hial a dawng a nih kha.

Thailand Lal falak nihna (adopted son) chawimaina inbel teuh a, mahni nihna tak hrelo thluak neilo Gen.Min Aung Hlaing hian a thuneihna duh luat vanga chhuan lam fahrah te te hmang a

thubuai eng emaw zat an awrhtir zel chu a ni a. Chung zingah chuan nikum inthlan dawna campaign lai khan Covid 19 hrileng laka inven dan tur sorkar inkaihhruaina a palzut tih pawh a tel a, a rukin license nei lovin walkie-talkies a lo kawl a ti bawk a.. British in Burma ram a awp lai aĊ£anga an dan la neih pakhat, Official Secrets Act a palzut te a la ti ta deuh deuh bawk si a.Chu lo pawh Yangon Mayor (Rangon Chief Minister ni bawk )hnen atangin UD Dollar 600,000 leh rangkachak tlang rit tawk thamna a la tiin a la puh cheu bawk a ni.

Sipai firfiak ho ,thuneihna chaka rilru piangsual ten an hren mek mipuite hruaitu Pi Aung San Suh Kyii chuan a mite chu hrisel leh dam taka awm turin duhsakna a hlan a, an party National League for Democracy party thiat mai tura sipai council sorkar din UEC in an hmalak mek chungchang sawi zawm in” Party hi mipui tan din a ni a, mipui an awm chhung chuan party hi a awm ang a ti.Pu tluanga chhakchhuak.

 

Author: admin

Leave a Reply

Your email address will not be published. Required fields are marked *