MYANMAR SIPAI TEN CHRISTIAN BIAKIN AN SUASAM PASTOR LEH RUALBAN LO TELIN 3 AN MAN

Myanmar sipai te chuan May 23 chhun ah Yangon Insenin veng thar, kah/4 kawnga Karen Christian Biakin chu an luhchilhin an suasam hnuah Pastor leh rualban lo mi 3 an hruai tel a ni.

He tia sipai ten Biakin an suasam bakah pastor leh rualban lote an man hi chanchin engmah hriattur awm lo in an siam a ni, he mi chungchanah hian mi pakhat silai keng chuan mi motor chhuhsakin biakin lam ah a kal niin an sawi bawk a ni, he tiang mai maia Biakin an suasam mai bakah pastor leh rualban lote an man bak ah hliam natak tuarin an sawisa a ni tiin mit a hmutu a bulhnai awmte chuan an sawi bawk a ni.

He thlithleng mit a hmutu mi pakhat chuan, sipai hote chu In Sein vengthar a, Karen Biakin chu kawngkapui tala chhuchhiain a chhungah an lut a, bungruate chu an duh dan danin an tichhia a, pastor leh rualban lo 3 chu an man ta a ni, an mi mante chu natakin kut an thlak a, rualban lote kut an thlak chu a rapthlak mah mah a ni, sipai hi chet dan hi chu mihring pawh an ang lo a ni, mi pakhat silai kengin mi motor a chhuhsak a biakin lam ah a tlan tia chhuanlam simin Biakin suasam leh rualban lo 3 te an man ta a ni tiin an sawi.

 

 

Author: admin

Leave a Reply

Your email address will not be published. Required fields are marked *