UEC MEETING-AH CHIN AFFIARS MINISTER HLUN PU NO THAN KAP CNLD PARTY HMINGIN A TEL

21.5.2021 Mini ih neihtheh mi Ralkap council din UNION ELECTION COMMISSION meetingah Pu Nothankap, Chin Affairs Minister hlun chu CHIN NLD PARTY theihpi lo in a mai thuin CNLD hminin a tel tih thudawn a si.

Pu Nothankap hi CNLD hruaitu a si ih Chin Affairs Minister khal Sagaing Region ih sin triltlin a rak si zo ih, Mizoram Pachhunga University College ih sin graduate a si.

Thu kan dawn dan in amah hi March ni 31.2021 ah khan CNLD ih sin a chawl ( Resign) zo a si, UEC in meeting an neih ding mi ah CNLD party cun kan tel lo ding tiin thusuah a tuah ko nan a mai duhthu rori in, CNLD party hmingin a va tel tih theih a si.

Hemi thu hlaah hin a mahih simfiang dan ah cun, UEC Meeting hi CNLD hminin ka tel lo. Ka hna pawimawh ruang ih Nah Pyi Taw ka um lai a si kher kher fawn, tui hlan ih ka hnatuanpi  hlun ka rualpi pawl k ava chibai pha ta men a ti,

Security khauh tak ih kil mi  hnuai ih meeting nei UEC building sungah hin a rualpi hlun pawl cibai men men dingin a va luh cu a zum um lem lo a si, meetinga rawn tel party 59 ah  representative attendent sheet ah khal a hmin leh a signature a um a si.

Chin State leh Kalay Kabaw Lairawn Chin/Zohnahthlak pawl cu misual ralkap firfiak thuneihnak chakih thisen tihal pawlin kan kan unau vuak leh velhin an kai ih, nunnak tam pi a liam zo a si.

Tin ralthuam chelekin democracy ngiattu mipite chu tharum hmangin ukbeh in tum rero a si,  ulbun leh laiphir te thawn lawng an rak kah lai ah pukpi leh helicopter hmangin mipi an bomb ih, mipi tampi cu sahimna hawlin hraamlakah an relh rero laiah mah tang hmasialinralkap tang ih  hamthatna leh sinak duh ih  ralkap council cozah  thurualpi hi Chin Zohnahthlah khawvel democracy duhtu ppawl cun kan dem nasa a si.

Hi tluk ih mah miphun leh hnam phatsantu a um thei nawn ding maw sawm, CHIN AUNG HLAING tiin Pu Nothankap hming lem an phuahsak hial a si.

Author: admin

Leave a Reply

Your email address will not be published. Required fields are marked *