SIPAI TEN LAL RENG AN DUH AVANGIN NLD PAIH BO AN TUM DR SASA

Myanmar sipai ten an din UEC meeting vei 2-na cu may 21 a neih ani a,  ramchhung party 93 awm ah  party 59 te chuu meeting ah an tel a ni, Party hming a tel tih lo chu tumahin mi malin an tel thei lo a ni, chu mi ah chuan party hrekkhat chu in hrilhna awm loin party hmingin meeting khal an awm tiin a sawi.

Meeting ahchuan UEC hotu thar chuan  NLD party cu 2020 Myanmar rampum inthlanna ah dik lo taka vote ru a, dik lo takin inthlanna an kalpui avangin  Myanmar ram Politics party in paihbo tumin hma an la mek a ni tiin an sawi,  chu mai ni lo in NLD party hruaitute pawh dik lo taka inthlanna a hma latu leh mawhphurtu an ni avangin  Myanmar ram politics ah tel thei tawh lo turin an sawi bawk a ni.

Hemi chungchangah hian Dr. Sasa chuan sipai ho ten he tianga an ngaihtuah chu  reitak thuneih an tum vang a ni a ti bawk.

Myanmar ram chu Democracy ram ah chantir an duh lo a, anmah tibuaitu ber NLD party chu an paihbo thei a nih chuan an lal rei tulh tulh dawn a ni tiin a sawi a, sipai in dan lo a ram thuneihna a pawnglak a tangin an tum sa reng a ni, chu vangin hnehna kan chan a ngai a ni  tiin a mah thu zawttu Reuter’s chu a hrilh a ni.

Daw Aung San Suu Kyi-i Ukil chuan Suu Kyi chungchangah sipai lam chuan thubuai chi hrang hrang an orhtter mek a, a tawpah chuan  Suu Kyi-i chu Myanmar ram politics ah tel thei tawh lo turia hrem an tum chu an lo ruahman sa lawk vek a ni tiin media te chu an lo hriltwh a ni.

Author: admin

Leave a Reply

Your email address will not be published. Required fields are marked *