BLACK FUNGUS/MUCORMYCOSIS & WHITE FUNGUS NATNA IN INDIA RAMAH BU A KHUAR CHHO MEK

Zeenews, 21st.May.21, India ram chhungah natna hri tihbaiawm tak, Black Fungus / Mucormycosis tia sawi ni bawk chu a vei hmuhchhuah belh mek an ni a, he natna hi Covid 19 vei, dam tawh ten an vei tlangpui niin mithiam te chuan an sawi a, State 11 ah he natna vei te hi hmuh chhuah an niin, Maharastra Rajasthan, Gujarat, Telangana, Tamil Nadu Odisha, Karnataka, Delhi,Bihar, Haryana, leh Assam ah te hmuhchhuah an ni tawh a, Maharastra bikah hian Black Fungus hri vei mi 1500 hmuhchhuah tawh an ni a, nunna chan mi 90 an awm tawh bawk.

Black Fungus hian Mihring taksa khawl pawimawh Chuap chu Covid 19 virus ang thovin a khawihchhia a ni, Sorkar laipui pawhin nimin May ni 20 khan State leh UT Sorkar thuneitute hnenah Black Fungus/Mucormycosis chu natna tihbaiawm “Epidemic Disease Act 1897 hnuaia mi a nih thu a hriattir a, Mihring ten chhialehtha hriatna hlohna leh nunna channa thlenga covid 19 ang thova thlen thei a ni tih a sawi a ni.

Union Health Ministry chuan ziaka hriattirna a chhuahah covid 19 hrileng karah Fungal infection chu chona thar a nih thu leh State engemawzatah a vei hmuhchhuah a ni tih a sawi a, steroid therapy leh sugar control thlengin a khawihbuai thin tih a sawi.

Black Fungus veite hi a enkawl dan turah Eye surgeon, ENT specialists, General Surgeon,Neurosurgeon te leh Dental Maxillofacial Surgeon te Amphotericin – B injection bakah Antifungal Medicine hmang te a treatment neih tur a ni.

Indian Medical Association (IMA) te chuan Prime Minister hnenah ziakin Pharmacutical Company te chu Amphotericin – B siam chhuah kawnga tur na turin an ngen mek bawk.

India ramah Black fungus natna vei hmuhchhuah an nih mek lai hian heia hlauhawm leh thawk nazawk ” White Fungus” vei pawh hmuhchhuah thar a nih thu puanzar a ni a, mi 4 a vei mek an awm tawh nia sawi a ni a, White Fungus hian Mihring taksa peng chuap bakah tin leh Vun, pum, Kal, thluak bakah Mihring taksa peng dang te leh Ka te a khawih chhe thei a ni.

Black Fungus leh White fungus te hian Mihring taksa raldotu chak lo – heng diabetis patient te leh natna benvawn rei tak lo nei tawh ten an vei awlsam bik niin mithiam te chuan an sawi.

 

Author: admin

Leave a Reply

Your email address will not be published. Required fields are marked *