MYANMAR UNION ELECTION (UEC) MEETING VAWIINAH NEI DAWN

Myanmar’s pro-democracy political parties te chuan sipai council sorkarin a din UEC meeting vawiin a neih tur chu a hman pui dawn lo, Sipai bawih leh a sangawi zawn pui party ten an hmanpui ang.NLD Party thiah chungchang bak sawi tur thudang an nei lo vang.

Sipai ten mipui sorkar laka thuneihna an pawng chhuhsak hnua an din Union Election Commission (UEC) chu a vawi 1-na atan kum 2021 Febuary ni 26 khan a lo nei tawh a,Myanmar rama political party 91 awm tawh zingah party tenau ni bawk , sipai ho thlawp leh a sangawi zawnpui party 51

chuan an lo hman pui tawh a ni. Chung party 53 zingah chuan a tam zawk chu MP seat khat mah thlantlin hlawh lo arte lukhawn hnu vek an ni.Party hlun leh mipui in duh taka an thlan tlin NLD erawh chuan a siruk lain inthlan puiah khan hnehna an chang a,chu inthlanna a sipai thlawp party USDP in tlawm chikim in an tlawm tak avangin zahzelah chhuan lam dawrawm siam in Febuary ni 1 khan sipai ten thuneihna an pawng lak ta a ni.

Sipai firfiakte din UEC thar hi rintlak vak a nih loh tih chu mi naran tan pawh hairual a ni lo va,Vawiin a neih tura an sawm zinga NLD party zinga an hotunu ber leh party hruaitu dangte chu hrebeh in a awm mek chu a ni a,tin party headquarters office pawh an mahni sipai ho thoin kawngkapui vawchhia in duhtawkin an luhchhuah hnuah an rawk tawh a,mumal taka office kal pawh awm loin a la chawl rih a ni.

UEC meeting chu SNLD, ANP, KSPP te chuan tel an tum loh thu an lo puang tawh a, NLD chuan dan lova din sipaite din chawp UEC lehnghal chu a tel pui dawn lo tih chu a chiang sa ringawt mai.

The Shan Nationalities League for Democracy (SNLD) hi Shan State chhunga party awm zinga lian ber a ni a, Myanmar rampum huap pawh a , vote tam ber huitu 3-na a ni pha a ni.SLND party airms & Objects tam tak kalh in Sipai Council sorkarin a chet avangin UEC meeting hmasa pawh kha a lo kal tawh lo bawk a ni.

Federal democratic Union ram din tum lam hawi a hmalakna a awm dawn chuan tu pawh kan thawhpui thei a mipui duhthlan dan atanga pelhe taka che thin te nen chuan kan thawhho a remchang lo an ti.

The Arakan National Party (ANP) pawh hian meeting kal an tum loh thu an puang chiang tawh a, Arakan or Rakhine party zinga pawl lian ber an ni ve bawk, Arakanese party dang Arakan League for Democracy, (ALD) pawhin kan telpui dawn lo an ti.

The People’s Party hi 8888 Uprising pro-democracy protests leader te din a ni a, an ni erawh chuan kan chhim ve dawn an ti thung a ni.Chuvangin lungawi lovin Central Executive Committee member thenkhat chu an bang ta nual hlawm a ni.Sipai ho UEC meetinga telh hi sipai sorkar pawmpuina lantirna chikhat a ni tiin an duh lo hle bawk a ni.

UEC meeting a tel duh miah lo an awm a,a vawi 1-na a tel tawh si , tel ta lo tur pawh an awm nual bawk.KSPP leh ANP chu UEC meeting vawi 1-na ah tel tawh mahse tun tumah telh an tum tawh lo.

A tlangpui sawi dawn chuan vawiin UEC meetinga tel party ho hi inthlanpui hmaa C in C Gen.Min Aung Hlainga nena inhmu ho ,a duh duh a a thunun thei te an ni hlawm.Vawiin UEC meeting Agenda kimchang hriat lawk a ni lo. pu tluanga chhakchhuak

Author: admin

Leave a Reply

Your email address will not be published. Required fields are marked *