RUSSIA HELICOPTER SHOW -AH MYANMAR AIRFORCE CHIEF KAL

Myanmar sipai council sorkar tirhin Air Chief Marshall ,Gen. Muang Muang Kyi leh midangte chu vawiin May 20 khan Russia rama May 20 -22 thlenga neih tur Helicopter Exhibition ropui tak “Heli-Russia” chhim turin an kal liam ta.

Heli-Russia Exhibition -ah hian Russia indo thlawhna an siam thar KA-52 leh Mi-28NE te pholanna a nei nghal dawn a ni.

Russia chuan Myanmar sipai firfik te hi tun hma atangin kawng hrang hrangin an lo tanpui thin a, sipai officer tam tak chu Russia ramah sipai lam thiam thil zir turin tirhchhuah fo a ni thin . Myanmar sipai tan hian ralthuam lam chauh tanpui lovin indo nunchan (Military exercise) an neih dun tur thu pawh Russia chuan a lo sawi hmuh diam tawh a ni.

Heli Russia Air Show chhim turin Khawvel ram 50 atangin an lo kal dawn tih hi Ralthuam siamtu company Rosoboronexport Ltd chuan Moscow Times chanchinbu lar tak hnenah a hrilh a ni.

Myanmar sipai palai Air Chief nen hian Russia Defence Ministry te chu official tkin meeting n nei dawn em tih hi hriat chian ni lo mahse enge maw tal chu a rukin thuthlung an siam rin a ni.Airforce Chief hi Myanmar ramchhunga mihring dikna chanvo bawhchhiat vanga US leh European ram ten blacklist an chhuah zinga mi ni.

Sipai ten thuneihna an pawng lak hnuin Myanmar hmun hrang hrangah sipai helicopter hmangin sipai council sorkar dodal tute hi a bei thin a,Kachin leh karen ramah a hmang uar hle a ni.

Hman ni deuh lawk May thla tir lam khan ,Myanmar Airforce Helicopter 1 chu Kachin Independent Army(KIA) ten an kap thla tawh bawk a ni.Chin State chhim lam Mindat leh Kanpelet khua-ah pawh 19th century hunlaia Zofa pasal thate ken thin Tukli/Awlan elhbun leh laiphir silai chauh hmang Chinland People Force-te chu Helicopter hmangin bomb a thlak chhiam tawh a, tichung pawhin sual sipai te chuan CDF chu hneh lovin rawlrala che thiam Mindat mi huisente kut tuarin sipi 40 vel thi an awm tawh a ni.

Khawvel human -rights pawl ten Myanmar sipai te hnenah ralthuam hralh lo tura an ngen lawm lawm laia hetianga Heli Russia Air Show neih turah Russia in Myanmar a sawm a vangin an dem nasa hle. Pu Tlua chhakchhuak.

 

Author: admin

Leave a Reply

Your email address will not be published. Required fields are marked *