MINDAT RALTLAN TANPUINA TUR PAWISA NUAI170 LACHHUAKTU SIPAI TEN AN MAN

Mindat raltlante tanpuina tur pawisa (nuai 170) sual sipai ten an man, Myanmar sipai ten Mindat khawpui an lak hnuah, Mindat khua mipui tam tak te chu ramhnuaiah tlanin a rem remna ah hmun an khuar a, ramhnuai a awm an nih avangin an awmna tur leh an eiin engkim puih ngai a ni a, a puih dan erawh chu hmuntin atangin an buaipui mek a ni.

Chu tih lai chuan Mindat raltlante puihna tur Kalaymyo a pawisa lachhuaktu mipakhat chu May 19 zanan khan a kuta pawisa (nuai 170) nen sual sipai ten an man a, a thlenin in neitu pawh May 20 zinglam dar 10 am vel khan sual sipai ten an va hruai a ni tiin CW chanchin chuan a tarlang a ni, an mi mante hi engtikah ngeh an thlah dawn, eng thubuai nge an siamsak dawn tih hriat a la ni hrih lo.

Mindat khawpui leh a chhehvel te chu sual sipaiten Martial Law an puan angin sual sipaite chu ralthuam rinchhanin an rapbet a, an duh dan danin an che a, chu mi avang chuan khawchhung ah awm ngam lovin ramhnuaiah an tlanta a ni.

 

Author: admin

Leave a Reply

Your email address will not be published. Required fields are marked *