US PRESIDENT BIDEN NIH DOAWKNAK CAWL DINGIN ISRAEL LEH PALESTINIAN A NGEN

US President Joe Biden cun Israel leh Gaza Strip ih Palestinian pawl kap aw nawn lo dingin a ngen.

Israel leh Gaza ih Hamas te pawl chu zarhkhat sung an kap a zo a si,Thawhtan zan ah khan Gaza ih sin rocket ziangmaw zat chu Israel ramah kah a si leh ih, Israel ralkap pawl cun mini zing ah khan an hun kap ve cih ih, Gaza Strip ah airstrike an nei cih ve a si.

Ram dang dang pawl cun doawknak ti tawp dingin an ngen ih, US President khalin rocket hmangin  beiawknak lak ah ram kilhimnak nak ding ih  hmalaknak cu US cun a thlawp a si tiin a sim ih, himi rual ih dokahawknak  tihtawp a sih theihnak dingin doawknak cawl ve ve dingin  a duh thu a sim.

US cun United Nations Security Council ih doawknak thleng re romi ti tawp dingih ngennak thusuah a tuah tum mi khal tum hnih an rak dang zo.

Israel Defence Forces (IDF) cun mini zingah beihpi an thlaknakah hin Gaza ih Hamas tunnel, kum 15 ih hla cu an bomb a siat tiin a sim, a Sinan beihpu an thlaknakah hin minung thi an um loa si tiin a sim a si.

Israel hnenah ralthuam USD mtd 735 man zuar remti, President Biden kaihhruai US cozah cun Israel hnenah ralthuam, US dollar 735 million man zuar cu rem a ti ih US media pawl cun an tarlang.

US hnenah ralthuam lei ter tum chungchang ah Gaza Strip ih beihawknak a thlen hlan, May 5 ah khan Congress hnenah theihter a rak si zo a si, Ralthuam lei ter tu lak ah hin joint direct attack munitions (JDAM) leh GBU-39 small diameter bomb ti vek khal a tel.

Author: admin

Leave a Reply

Your email address will not be published. Required fields are marked *