ISRAEL INGAZA STRIP IH DOKAHNAK AH MI 42 AN THI

Palestinian official pawl cun Israel in Gaza Strip ih dokaknak beihpi a thlak rero mi ah zarhpini kha ni khata thi an tam bik ṭum a si tiin an sim ih, mi 42 an thi tih an sim.

Israel ralkap pawl cun kan dung zarh sung ah Gaza ih sin Palestinian pawlin Israel chu rocket 3,000 lengloin  an kap tih an sim cih. Zarhpi zan  ih Hamas-ten Israel South lam ih rocket ih an kah leh hnuin, mini zing ah khan Israel ralkap pawl cun Gaza City hmun dang dangah air strike ṭum 80 an nei leh sal a si.

Gaza Strip-ih Israel ralkap pawl ih beihpi an thlaknakah hin mi 197 an thi zo ih, cu mi lak ah hin nauhuak an 58 an tel. Mi 1,230 in hriamhma an tuar an tuar zo a si tiin Hamas sorkara health ministry cun a tarlang. Himi lai ah Israel cun mithi lakah hin hel tam tak an tel tih an sim bet, dokaknak ih  beihpi an thlaknak an tumbik mi chu hel hruaitute leh helpawl umnak hmunhma pawl an si tiin an sim.

United Nations secretary genenal Antonio Guterres cun kahdonak titawp dingin ngenih, an titawp lo a si ah cun thunun ngaihnak um lo buaina rapthlak tak a thleng thei ding a si, a ti.

Dokahnak thleng rero ruangah Gaza-ah fuel daihawk lo nak a thleng zo ih, hi vek a si ah cun hospital leh hmun pawimawh pawl cu power hman ding nei lo in reilote ah an um ding tiin UN cun a sim a si.

UN deputy special coordinator for Middle East Peace Process, Lynn Hastings cun Israel thuneitute hnenah Gaza ih fuel leh an mamawh an tulsam mi kuat lut sian dingin an ngen ih, a Sinan an hrangah a him hrih tiin an sim.

 

Author: admin

Leave a Reply

Your email address will not be published. Required fields are marked *