G7 RAM PAWL VACCINE ZEM DINGIN DIL

United Nations International Children’s Emergency Fund (UNICEF) cun  Tlawngkaini ah G7 ram pawl cu COVAX vaccine sharing scheme hnuaiah vaccine daih awh lo nak lohna phuhruk nah dingin zemsuak dingin a dil.

UN agency UNICEF cun coronavirus vaccine hi COVAX fehtlangin an kuat suak theu ih, May thlaih vaccine daihawk lonak cu dose 140 million hrawngih tuat a si ih, June thla  hrawngah cun dose 190 million hrawng a tling so ding tiin an sim a si.

Dose hlei bang um loin zem theh cu a tul a si, hi mi nathrik kan kham thei nak ding lam um sun a si, tunah hin kan ticih lo a si ah cun ramdang pawl khalin an tuar ve thei, tiin UNICEF executive director Henrietta Fore cun a sim, G7 ram hruaitut pawl hi hmai thla ah hin  Brazil ah hmuhawk an tum.

World Health Organization (WHO) hruaitu pawl cun  zarh hmasa ah khan vaccine zemsuah danah an lungawilo tih an sim ih, ram lian leh changkang sawn pawl cu nauhuak pawl hnenih zem hrih lo in ram hnufual leh harsa sawn pawl hrang ih pek (donate)  dingin an dil a si.

Airfinity scientific research tarlan danin G7 ram pawl cun  an vaccine kawlcia 20% chu June, July leh August ah an zemsuah ah cun  dose 153  million a tlingthei ding ih, an ram mipi pawl hrangah vaccine peksuah a tibuai ban lo ding tiin an sim.

WHO leh GAVI vaccine cun vaccine sharing scheme COVAX hnuaiah hin kumcem hlanah  AstraZeneca vaccine dose 2 million  zemsuak hman an tum a si.

 

Author: admin

Leave a Reply

Your email address will not be published. Required fields are marked *