FREE AND FAIR CLECTIOM A NI ANFREL

2021 Myanmar General Election 2020 November Ni 8 ih neih theh mi felfai a si tiin Asian Network for Free Elections” (ANFREL) Bangkok cuan mini 17.5.2021 ah a puang suak a si. Vote fir leh siatsawhnak um tiih Political party hman si lo Myanmar ralkap pawlin finfiahnak hman um lo ih puhawknak hi thu ngai ih ruah ding tlak a um lo tiin a puang a si.

Mipi cozah thuneihnak  laksaktu  suam hmang ralkap pawlin rampum hrilawknak neih hlan ih sin an zawm mi  party tenau 32 lai an ko khawm ih rampi hrilawknak result puan hunah an party tangrual pawl cun hnehnak an co lo hun ih tih dan ding an rel cia zo mi a si.

Asian Network for Free Elections” (ANFREL) cun November thla ni 8 ih rampi hrilawknak result hi Myanmar mipi democracy duhtu pawl thinlung leh thungai zet ih an duh hril mi rah suah a si roro a si  tiin Mynmar General Election an zirchiannak report netabik Video Conferencing meeting an neih mi ah  khan an tar lng a si.

NLD party in rampi hrilawknak ah a siruk la in vote a hmu sang bik ih, cozah term hlun theh hnu, Financial year ending an hmang theh hlanah Febuary ni 1 ah khan MP leh MLA pawl chu an kai ih ralkap thuneihnak atchilh pawlin mipi cozak dinglai cu an lak sak a si,

Hrilawknak result chungchangah lungawi lohnak complaint pawmtlak ding um lo a rualin ram sung hmun tinah cangan mi bang aw zet mi an theh luh dan ih sin tuntahnak um cia mi an cangvaihpi a si tih a fang nasa ih kumtling lo leh mithi hmingih vote rawn thlak an sim mi pawl minung tampi an ra tiin an sim mi pawl cu an party mi leh sa polling boot ih duty pawl in thei fiang ding a si lai ah tuhnu ih puhawknak cu thu dik lo a si tiin an sim.

Asian Network for Free Elections” (ANFREL) cun Rampi hrilawknak thlithlai dingin expert 24 leh an team te chu hmun tinah an feh ter ih Myanmar rampumpi ahhrilawknak an neih theh zo mi ah  remnak leh muannak umin   felfai leh dik takin neih a si ih Hrilawknak tibuai thei khui tawk hmun khal ah a um lo tiin an tarlang a si.

Covid hrileng karlakah kilhimawknak cozah in kaihhruaiawknak zawm in   election compaign neih a si ruangah tumdang vekin mi an pung khawm thei lo tiin  report ah a tar lang a si.

 

 

 

Author: admin

Leave a Reply

Your email address will not be published. Required fields are marked *