COVID HRILENG KARA MYANMAR RAM BUAINA CHU

Myanmar zohnahthlakte zing a Mizo tlangval chhuanawm Dr. Lalramzaua, Mynmar zofate’n covid hrileng chanchin kan sawi a piangin  kan theihnghilh tawh loh tur  Dr.Zautea Rangoon Damdawiin lian a thawk mek.

Myanmar rama Covid-19 hri kai hmasa ber chu America ram atanga nupui nei tura lo haw hlim Zomi tlangval senior Tiddim khaw thenawm hnaite Kaptel khua a mi a ni a, khawchhak zofate zingah chuan a lar vet vet hle mai.

Tiddim damdawiinah Zomi Covid hrivei damlo chu dah a ni a, amah enkawl thiam doctor pawh an awm lo a ni. Chu damlo enkawl tura mahni duhthu ngeia voluntary a inpe Rangoon damdawiin liana thawk mek ,Mizo tlangval chhuanawm tak Dr. Lalramzaua chuan mahni zohnahthlak dinhmun derthawng taka awm chu lainatin amah enkawl turin sorkarah inpe in kal a dil a, phalsak a ni ta a, a enkawl dam ta a ni.

Chung hun lai chuan tun angin a enkawl thimna mumal tak leh damdawi tha te, hmanruate pawh a awm lo.Ramchangkang tak taka doctorte pawh in rinthu tak meuhin an en kawl thin a,Dr.Zautea chuan dam lo dangte pawh theih tawpin a enkawl dam ta zel a, Mynmar zofate’n covid hrileng chanchin kan sawi a piangin Dr.Zautea hi kan theihnghilh tawh loh tur a ni.

Military Council hnuaia hnathawh chhunzawm duh lova CDM (Civil Disobedience Movement) a zawm avangin sipai ten man theihna Warrant of Arrest an chhuah zingah April thla tawp khan a tel leh ta nghe nghe a ni.

Dr.Zautea leh a thiante chu man tur zingah an tel thu Military council thupuan chhuahna Myawaddy (MWD) TV Channel ah a lo lang ta a,Myanmar ram sorkar chanchinbu phek hma lamah an tar lang chiau chiau mai.

Nikum April thla tirh atanga Covid-19 damlo enkawl tura mahni duhthu ngeia tlawmngaia engmah phut lova damlo tana inpe Myanmar Doctor chhuanawm tak takte leh front line a che chhuak Healthcare workers te kha Kum khat chuang Covid-19 damlo enkawlin hun an hmangaNI.

NLD Sorkar rauhmanna angin Covisheld Vaccine ṭum khatna chu pek tura an ruahman bikte tan an va chiu sak zo deuh chauha, an inchiu leh tur hun hma chiahin Sipaiin thuneihna an pawnglak ta thut a. CDM an zawm avangin an thil tih that pawh hre chang duh tawh lovin man an tum ta zawk a ni.

 

Author: admin

Leave a Reply

Your email address will not be published. Required fields are marked *