A NU LEH PA THLANAH NITIN FEHIN A NU LEH PA HMIN LAM THEU NAUHAK

Nu in hun siar ah cun mitthli tlak lo thei a si lo na siar a si len na mitthli a tlak ve ko ding, Zo zo khalin ni nikhatni ah cun kan duhdawt zet mi thawn kan thenaw leh ding kan duh lo khal len leitlun ih kan tawn ding mi a si, cu vek in hi nauhak zangfak um zet khalin a hmang rero a si.

Zangfak um zet nauhak pate hi Malaysia ram ih um a si ih, motor accident nakah a nu leh pa in an thihsan ih, nauhak zangfak um zet cun a nu leh pa ngaiin nitin ten a nu leh pa thlanah a feh ih an thlan kiang ah cun a to ih a nu leh a pa lamin dawngte a puah theu.

A nu leh a pa thlanah cu vekin a um lai ah a pi cun a hmu ih FB lam ah a post a si, a pi ih ca ngan dan ah cun ka nu thawn kan biakaw duh a ti ih a nu leh a pa thlan ah cun ka fehpi ih na nu leh na pa cu hi tawk ah an um tiin an thlan cu ka va hmuh ih ka nu ka nu tiin a ko ih in ah ka tlunpi thein awn lo tiin a ngan .

Hi nauhak pate hi in ah dawngte puah dah lo mi a si ih, a nu leh pa thlanah cun leilung tham phahin sunvu ten dawngte a puah theu tin a ngan, a nu leh pa a ngai tuk si ding in ah a tlung duh nawn lo tiin a pi cun Fb ah ngan bet a si.

Hi mi nauhak kum 2 mi zangfak umte cun motor accident ruangih nu leh pa a nei nawn lo cu a pi thawn an um tlang ih zangfak um nasa, hi nauhak pate thuhla hi nizanah ka siar ih zanvar ten ka it thei nawn lo, ka thinlung in luahkhat ih ka fate dinhmun ah ka ret tik ah ka tuar thei lam lam lo a si.

 

 

 

Author: admin

Leave a Reply

Your email address will not be published. Required fields are marked *