ENGLAND WALES LEH SCOTLAD AH KHUAHKHRIH KHUMAWKNAK ZIAUM

United Kingdom (UK) prime minister Boris Johnson CUN England, Wales leh Scotland hmun tam sawnah covid 19 hri leng ruangih  lockdown puan chu thlahdeuh in, coronavirus leng titawp digin mipi thuawihnak a pawimawh a si tiin  a sim.

Khuahkhirhnak thlahdeuh a si ruangah insung ih tawnawkkhawm leh kuahaw leh, pub leh restaurant sungah chawlh ti pawl sian a si thlang. Ram dangih khualtlawn khal sian a si zo ih, a sinan mipi pawl cu fimkhur ih kartin vawi hnih tal test theu dingin Johnson cun a chah.

Kan ṭan tlannak ruangah  lockdown lakih talsuahnak ding mellung pawimawh kan phun leh ta, a sinan fimkhur zetin kan um a tul ih, kan zalennak hi hmang thiam dingin leh hi mi nat hrik a karh vivo lo nak dingin hma la dingin ka lo sawm a si,  tiin an vaccine lak can a theng a si len la theh dingin Johnson cun a ngen a si.

England leh Scotland ih um pawl cun symptom an neih loh khal len, a lakin  minute 30 sungih result theih theinak lateral flow test an ti thei ding, Wales leh Northern Ireland ih um pawlhrangih hnatuan thei lo hrang khal ah test thei a si cih ding.

Khuahkhirhnak hi thladeuh a si ko nan, Scoltland ih hmun pahnih  Glasgow leh Moray ah cun hri kai an tam ruangah dan thar hi an zawm ve hrih lo a si.

Author: admin

Leave a Reply

Your email address will not be published. Required fields are marked *