D.K.B.A HI ENG PAWL NGE NI PU TLUANGA CHHAKCHHUAK LEHKHA ZIAH

Pu Tluanga chhakchhuak in a ziah, Karen hnamte leh zofate kan in lai chi dan, Karen hnam leh Zofate hi Christian kan nih bakah kan khawsak phung hi a in ang em em a,Mizo tlangval Burma sipai tangte, kan lehkhathiam hmasa-te, doctor lar tak tak te pawhin karen nula hmeltha nupui atan an nei a , Mizo University zirlai thenkhat pawhin karen nula zei tak tak te zunah an lo uai ve tawh thin a, karen hnam nen chuan Mizote hi kan in ti unau thei hle mai.

Nimin khan Democratic Karen Buddhist Army (KBA )atangin Mal.Saw San Aung leh Officer 4 bakah an hote 2000 vel an pawl hlui KNU lamah an kir leh tak thu tarlan a ni.Hei hi KMO Media Facebook page atangin May ni 16 khan pic nen upload a ni a,

ka Fb thian Lalruatliana Fanai pawhin English hmangin a rawn tarlang bawk a ni. Thulakna in an sawi dik loh chuan kan sawi chhawnna lamah kan lo ti dik lo ve fo mai.

He chanchin hi thu puarpawleng a ni a, heta an pic. hmang tho in 14th March 2020 khan Myanmar rama Media lian Myanmar Times leh Irrawaddy chuan DKBA atangin Maj Saw San Aunga leh sipai 13 te chu Myanmar Army (Tatmadaw) lamah an in surrendar thu tarlan a lo ni tawh bawk a ni.

D.K.B.A chu Democratic Karen Buddhist Army tihna a ni a, DKBA-5. tia hriat nen ngaihfin loh tur a ni e.Democratic Karen Buddhist Army ( DKBA) chu karen helpawl niin an member te chu karen hnam Buddhist sakhaw be mi an ni hlawm. Christian tam zawk awmna K.N.L.A (Karen National Liberation Army) pawl atanga sakhaw thila ngaihdan in an loh avanga pawl thar lo piang chhuak ta a.

December 1994, khan Tatmadaw Myanmar Military te nen inkahhai (Nationwide Ceasefire Agreement with the government of Myanmar) puangin Burma sipai an thawh pui ta a ni.Hei hi an rawn chhuahsan KNLA doletna tur leh an mahni pawlbil hamthatna um vanga sipai ho zarzo tum vang zawk a ni.

KNU (Karen National Union )hi KNLA te political wing a ni.Rambuai laia MNF politics kaihhruaina hnuai a MNA (Mizo National Army) awm ang a ni mai.

Democratic Karen Buddhist Army te hi Buddhist sakhua peng Theravāda Buddhism zuitute an ni a,Karen Nationalist an in ti ve tho mai.A pawl an phel khan sipai 6000 vel an chhuah pui a ni.

A chhuah chhan pawh hi a hunlaia Burma Military Intelligent Chief thin Maj.Gen.Khin Ngunt-an karen hnam sipai ho zinga hem thlak vang vek a ni.

KNLA ho hi Kayin Border Guard (KBG )Force tiin Thailand leh Burma ramri vengtu pawl a din sak a, Mahse KGB sipai pawl Platoon/Unit commander te chu Burma sipai( Tatmadaw) a nih ngei ngei a ngai thung.

KNU ho Headquarters hi Kayinni biala Manerpalaw hmun hi a ni thin a, Myanmar ram hel pawl hrang hrang hi an awm khawm thin a ni. khua chu a ni chiah lova, an tam vanglai chuan in 3000 vel an ni hman a ni.

Chutah chuan Karen National Union (KNU), All Burma Students’ Democratic Front (ABSDF), Democratic Party for a New Society (DPNS), leh National Democratic Front (NDF).The National Coalition Government of the Union of Burma (NCGUB) tia hriat raltlan sorkar pawh kha Manerplaw khuaah December 1990 khan bu an lo khuar ve tawh a ni.

Manerplaw Headquarters chu Myanmar Army te nen tangrualin, Democratic Karen Buddhist Army (DKBA) ten 27 January 1995 khan an va kap darh chiam ta a, tun thlengin chu hmun chu hluihlawn a ni ta a ni.

MNF MNA zingah a dumpawl an lo chhuak angin Karen hnam independent sual zingah Burma sipai ho hem thlak vanga pawl 2 phir ta hi a pawi hle mai.

A rem chan hunah Myanmar Military ho in an din Border vengtu KBG FORCE chanchin kan sawi leh dawn nia.

Author: admin

Leave a Reply

Your email address will not be published. Required fields are marked *