TAUNGPHILA TLAWNGIN KANG KANG MI THUHLA AH A KIANG KAP UM MI PAWL IH SIM DAN

May 16, tuizing zinglam nazi 6 hrawngah Kalaymyo Taungphila ih ahmat 14 tlawng tiah kan rak theih dahmi Alahkah1 tlawng cu a kang vutvo ih meitat mawtaw 5 in an mit nan, tlawnginn sungih inn 2 cu a kangral man.

Tlawnginn ahcun meisa hri zamluhmi a um lo ih tlawnginn ih um khal an um lo. Curuangah mi pakhat khat ih urkang rori a si tiah meimittu lakih tel pakhat cun a rel. Amah cun “Umdan cu tlawnginn ah hngaktu khal an um lo ih meisa hri zammi khal a um lo. Tlawnginn sung hrimhrim ah zohman an um lo ih mi pakhat khat ih urkangmi rori a si,” tiah a ti.

Tlawnginn kang cu minute 15 sungah a sungih inn 2 a kangral man. Tlawnginn kiangah ralkap pawl hmunkhuarnak a um ih tlawnginn kang ahcun an thleng cih ve. Cumi hnu tla cun zohman luh an siang nawn loih anmah in a sungin an kil. Culawng siloin tlawnginn cu CDM tuah an tam ruangah CDM tuah lo pawl cu tlawnginn kulhnak ah an hmin an ngan. Cuvek ruangah ralkap cun kan lo urkang sak ding tiah an rak hro dah.

Cumi thu ah mi pakhat cun “Tlawnginn kulhnak pawl ahcun CDM tlawng a si tiah an ngan ih CDM tuah lo pawl hmin khal an ngan. Cumi cu ralkap pawl in an malh rero ih kiangkap mipi cu thu an su rero nan, a ngantu cu zohman in kan thei lo tiah a rak let thluh. Cutikah ralkap pawl cun kan lo urkang sak leh ding tiah an rak hro dah a si,” tiah ti. Vapual auaw.

Author: admin

Leave a Reply

Your email address will not be published. Required fields are marked *