HISTORY A CHUANG RENG TAWH TUR BATTLE OF MINDAT

Nimin tlai 14.5.2021atangin mipui venghimtu pawl PDF ten Mindat mipuite chu Trench Khur nei theuh turin leh a tul hunah khur chhunga tawm tlat turin hmanhmawh takin a hriattir a , tlai thim dawn thlengin trench khur an lai sup sup mai.

Nimin khan sipai ten Midat khua hi 2008 Myanmar Constitution dan Section 419-na tlawh chhan in Martial law a puang a,Mindat Mipuite erawh chuan mipuite hi eng sipai rorelna hnuaiah mah kan awm lova mipui rorelna hnuah chauh kan awm ni an ti.2008 Constitution dan chhe tak hi sual sipaite ngeiin an bawh chhia a mipui sorkar NUG leh CRPH ten kan hluihhlawn tawh a ni an ti.

Ni 13.5.2021 Martial law an puan hnu atangin Military council sipai te chuan beipui thlakin Mindat khua chu indona ralthuam hmanrua hrang hrang hmangin a bei tan a, nimin ni 14 khan Helicopter 2 chu vawihnih tumin an sipai hliamte an rawn thliar chhuak a ni.

Mindat khua People Defence Force leh Military council Sorkar chuan inbiak rem tumin ni 10 lai inkahhai puang tawh chu an ni a.An in rem theih tak loh vangin mipui lam PDF leh sual sipaite chu an han in khuainuai tha leh tan ta chu a ni a. Indona an han tan phat chu sipai ten laipui (Howitzer Cannon) hmangin an khaw thenawm Km 33 a hla Kyauh-Thuh khua atangin an rawn ralkhat bei tan ta a ni.Laipui puak ri chu a ring khawp mai a, Midat chhevel khua atang pawhin a puakri khawk ri rum rum chu an hre thei a ,mipui awmna lam hawiin an rawn ralsai chhiam a ni.

Ni 13 zing dar 6 emaw chauh a la ni si a,Mindat PDF hnam sipai ho chu an bul hnaite ah sual sipai an awm loh avangin an in thlahdah pawh a ni mai thei a, an loin ral rin hman loh lai tak in khawpui ri ni awm tak hi boruakah a rawn ri in a rawn kui vawng vawng hi a lo ni a, an hriat rual rualin a rawn puah zui ta mai a , a hmunah PDF hnam sipa pakhat chu ka pawh chhan lovin a thi nghal a ni. Midang 5 chu laipui mu per chhuakin deng fuh in hliam an tuar ta a ni.

A hma ni chiah pawh khan Mindat khawchhak lam “Pakhokku” khua atangin Military Council sipai convoy motor 5 rawn chho chu an khawdai km 3 vel chauh a hla a rawn thlen khan laiphir leh ulhbun hmangin hnam sipai PDF ten an lo lambun bawk a ,tawkfang an inkah hnuah an motor-te chu tlangram kawng zimte a nih vangin awlsam takin an let leh mai thei lova ,an sahimna zawngin an tlan chhiatsan ta hlawm a, Ralthuam dang leh eiturte chu an laksak hnuah Mindat PDF ten an hal chhiat sak vek mai.

Chin State hmarlam khawpui tlangchhip feel 4000 chuang sanga awm Mindat khua ah hian tunkar Thawhtan ni (10.5.2021 )khan tualchhung mi Peoples Defence Force leh Sual sipai ho inkar-ah inkahna a thleng tawh bawk a ,sipai firfiak 13 chu kahhlum an ni .Hei hi April ni 24 a PDF leh sipaite Mindat khawpui daia inkahna awmah sipaite an chetchhiat avangin phai atanga sipai lam puitu (reinforce security )rawn kalte an lambunna a thi an ni.

Tichuan ni 11.5.2021(Tuesday) pawh khan PDF ten sipai Truck 9 rawn chho leh chu Mindat kawt chhuahah lo dang in hmun 2 lai ah inkahna a thleng leh a ni. sipai Truck te chu enge maw zat an kang chhia a ,sipai 7 thi lehin enga maw zat an hliam belh ta a.Civil lam PDF erawh thi leh hliam report hriat tur a awm lo.

Mindat PDF te chu ralthuam tha pawh nei loin sapel nana an hman thin zopa tualchher silai leh laiphir hi an neih that ber a ni a ,bomb siam chawp sangha man nan leh lung hal nana hman thin Geletine an hmang a ni.Sipai lam atanga dawt hlir puang thin MWD leh MRTV chuan an tih dang pangngai in sipai 1 chauh thi angin leh 3 hliam awm in an puan leh tawh kha.

MINDAT mipui te chuan lungawilohna lantir vanga sipai ten an hren khawtual mi 5 chhuah tur an tiam an chhuah loh vanga inkap ta chiam a ni.

Vawiin chawhnu dar 2 vel khan Sipai hmun pui Naypyidaw atangin Helicopter 2 chu Midat ah vawi hnih a rawn tum a,Pakhukku khua lamah a pan leh bawk a, sipai maawh thil rawn dah pahin sipai hliamtuar te a rawn phur nia hriat a ni.

Mindat khawchhak lamah police station awmin tanhmun an khuar a, a thlang lama No.274 Light Infantry Battalion sipai ten Civil sipai PDF te chu karchehin an beichiam bawk a, Sipai ho hman automatic rifle leh mizopa tualchher silai in beihna hi khawvela indona ngaihnawm ber pawl a tling thei ang.Sipai thenkhat hian sniper silai hmangin hmun tinah an chang reng a,mipui zingah pawh hliam tuarte an awm ve bawk a, an ni buaipui tur leh PDF sipai te ei in pe tur pawh in chetsawn a harsa riau mai.

Mindat( EPC ) office a Power House enkawltu Assistant Engineer Pu Wai Phyo-a chu sniper te silaimu tuarin vawiin chhun dar 2 vel khan a thi tih thu dawn a ni.

Author: admin

Leave a Reply

Your email address will not be published. Required fields are marked *